Хресчен сасси

18 Пуш, 2015

«Шурă пир сарса кĕтсе илĕç»

Кăçал Аслă Çĕнтер. пулнăранпа 70 çул çитет. Вăрмар районĕнчи Энĕшпуç ялĕнчен Тăван çĕршывăн Аслă вăрçине 400 яхăн çын хутшăннă, вĕсенчен 178-шĕ каялла таврăнайман.

Мана фронтовик-ентешсен кун-çулĕ тахçанах канăç памасть. Акă ман умра - сарăхнă çырусем, тĕрлĕ документ, сăн.керчĕксем...

Малалла сăмах паттăр салтак, вĕри чĕреллĕ, çирĕп чунлă, хисеплĕ механизатор, пирĕнтен 34 çул каялла ĕмĕрлĕхех уйрăлнă, ял-йышра ырă ята тивĕçнĕ Петр Павлович Павлов çинчен пулĕ.

18 Пуш, 2015

Чикĕ леш енче пурăнакан Раççей çыннисем хăйсен ирĕкĕпĕ тăван çĕршыва куçса килнĕ чухне çăмăллăхпа усă курма пултараççĕ. Унпа вĕсене Раççей Федерацийĕн патшалăх программи тивĕçтерет. Нумаях пулмасть Дмитрий Медведев премьер-министр программăна пурнăçлама Раççей регионĕсене 180 миллион тенкĕ укçа уйăрма палăртнине пĕлтернĕ. Субсидие тивĕçекен 54 регион хушшинче Чăваш Республики те пур.

13 Пуш, 2015

Ырана хăвармасăр

Асăрханăр: хĕвел! Хĕвел пайăрки халĕ йывăçсемшĕн уйрăмах хăрушă пулма пултарать. Кĕркунне йывăçсене шуратса хăварман пулсан çакна халĕ тума май пур. Анчах çанталăк 5 градусран сивĕрех пулсан йывăçа шуратма кирлĕ мар. Çакна та шута илĕр: 2-5 çул каялла лартнă йывăçсене шуратмалла мар, мĕншĕн тесен вĕсен хуппи чĕрченкĕ, сиенленме пултарать.

Туратсене тĕрĕс иртмелле. Типсе хăрнă, шăннă, чирлĕ туратсене касса пахча тулашĕнче çунтармалла. Тунката хăварса касмалла мар. Йывăç турачĕ çурăлса аннă пулсан ăна вулли çумне лайăх çирĕплетсе пралукпа çыхмалла.

Хресчен сасси

Ял хуçалăхĕ

Пахчи-пахчи

13 Пуш, 2015

Усăллă супăнь

Хуçалăх супăнĕ - питĕ лайăх антисептик. Сипленме те усă кураççĕ унпа.

Хресчен сасси

Потребителе

Ал айĕнчи

13 Пуш, 2015

«Маншăн яланах кĕлтăвăр»

Ăнлантарса парăр-ха: вилнĕ çыншăн мĕншĕн кĕлтумалла; Мĕн парать ку вĕсене?

Людмила ВАСИЛЬЕВА.

Игнатий (СУРАНОВ) иероманах, Муркаш районĕнчи Мăн Сĕнтĕрти чирк. настоятелĕ хуравлать.

– Мĕншĕн кĕлтумалла-и; Пĕрремĕшĕнчен, Таса Чирк. ĕненсе кĕлтуни çыннăн леш тĕнчери пурнăçне çăмăллатни çинчен калать. Çакăн пирки нимĕн чухлĕ те иккĕленмелле мар. Турă пире пĕр-пĕрне юратма хушнă. Вилнисемшĕн кĕлтуса эпир вĕсене юратнине кăтартатпăр.