Редис мĕншĕн çимĕçĕ ÿсмесĕрех тунана каять?
Лидия ЧЕРНОВА.
Çĕрпÿ хули.
1. Редис вăрлăхĕ кивĕскер.
2.Вăрри вĕтĕ.
3. Редиса çăра акнă.
4. Ытлашши сивĕлле акнă, çĕр ăшăнса çитеймен, сивĕ вăрах тăнă.
5. Ытлашши ăшă пулсан та редис тунана каять, тымар çимĕçĕ ÿсмесĕрех чечекленме пуçлать.
Аслă Çĕнтерÿ пулнăранпа 70 çул тултарнипе вулакаансене саламаланипе пуçланать хаçат.
Шупашкарти тĕп пасарти хаксемпе паллаштарни пур.
«Утарти çуркунне» материалта пыл хурчĕсен ĕçне çу уйăхĕнче мĕнле йĕркелесе пымаллине кĕскен çырса кăтартнă.
Кивелнĕ япаласенчен хуçалăхра кирлĕ япала хатĕрлеме май пур. Соковыжималкăран - хăйра.
Уя тухма выльăха маларах хатĕрлемелле. Уйра тÿрех нумай çÿресен ĕне чирлеме пултарать.
Пĕчĕк чĕпсене туяннă чухне вăл автан е чăх иккенне мĕнле пĕлмелле. Асăннă мелсемпе тĕрĕслесе пăхăр.
Ирхи пулакан купăстана лартма кая ан юлăр.
Сирень хитре çеç мар, усăллă та.
Пахчара улма-çырла тĕмĕсене тĕрĕс вырнаçтарма тăрăшмалла.
Çу уйăхĕнче юлашки сивĕсем иртеççĕ. Çĕмĕрт сивви, юман çулçи тухнă вăхăтра. Пахчара улма-çырла йывăçĕсем çеçке çураççĕ. Шапа хупахĕ, ака уйăхĕнчех чечеке ларнăскер, май пуçламăшĕнче вăррине вĕçтерет. Хăлха çакки курăкĕ сарă çеçкепе ешĕл çарана тĕрлет. Ытти çурхи чечексем те вĕлле хурчĕшĕн пыл тума илĕртмĕш çимĕçсем. Вăйлă çемьесем çу уйăхĕнче 3-4 кг питĕ сиплĕ пыл хатĕрлеççĕ.
Тепĕр чухне чăх-чĕп сутакансем талăкри чĕпсене çăмарта тăвакан чĕпсем тесе сутаççĕ те ÿссессĕн çуррине яхăн автан пулать. Çăмарта тăвакан чăхсем пулакан талăкри чĕпсене ăçтан туянмалла-ши? Талăкри чĕпсене автан е чăх пулнине мĕнле пĕлмелле?
З.МИХАЙЛОВА. Шупашкар районĕ.
Çуркуннепе ĕнесене, сурăхсене уя кăларатпăр. Уя тухма вĕсене мĕнле хатĕрлемелле-ши?
Раиса ШАРОВА. Етĕрне районĕ.
Чăвашла верси
Русская версия
