Чăн Таса Турă Амăшĕн Хусанти турăшне аслăласа уянă кун, чÿк уйăхĕн 4-мĕшĕнче, Шупашкар тата Чăваш Митрополичĕ Варнава пиллĕхĕпе Чăваш Енре çĕр çинче те, тÿпере те Хĕреслĕ çул иртрĕ.
Чăн Таса Турă Амăшĕн Хусанти турăшĕ тÿпене çĕкленнĕ
Юпа уйăхĕн 29-мĕшĕнче Чăваш наци библиотекинче Владимир Алмантайăн «Сувар-пулкар культури: авалхи ятсем тата вĕсен пĕлтерĕшĕ» тата Юрийпе Сергей Ювенальевсен «Сувар-пулкар культури: çапăçу хатĕрĕсем пуçланса кайни» кĕнеке-альбомсене пахаларĕç.
Канмалли кунсенче республикăра улшăнса тăракан пĕлĕтлĕ çанталăк пулать, вырăн-вырăнпа çумăр е йĕпе юр çăвать. Чÿк уйăхĕн 6-мĕшĕнче: кăнтăрла - 0-5 градус ăшă, каçхине 1 градус сивĕрен пуçласа 4 градус ăшă пулать. Чÿк уйăхĕн 7-мĕшĕнче: кăнтăрла - 3 градус сивĕрен пуçласа 2 градус ăшă, каçхине - 1-6 градус сивĕ. Çил çурçĕр-хĕвеланăç енчен 8-15 метр хăвăртлăхпа вĕрет. Хĕвел ирхине 7 сехетре тухать, каçхине 16 сехетре анать. Кун тăршшĕ - 9 сехет. Чăваш гидрометеорологи центрĕнчен пĕлтернĕ тăрăх - тепĕр эрнере çанталăк сивĕтет, каçсерен шăнтма пултарать.
Халăхсен пĕрлĕхĕн кунне пирĕн çĕршывра 2005 çулта пуçласа палăртнă. Вăл пушă вырăнта "çуралман". Унăн хăйĕн тĕшши, пĕлтерĕшĕ пур.
Республикăри наци культурисен "Раççей халăхĕсен пĕрлехи çемйи" II фестивалĕ Халăхсен пĕрлĕхĕн кунне чăн-чăн уяв сĕмĕ кĕртрĕ, питĕ кăсăклă та асра юлмалла иртрĕ.
Интернет уйлăхне вирхĕнсе кĕнĕ «ХамОр ялсем» скетчком /кĕске шÿтсем/ ватти- вĕттине те кулăш тĕнчине илсе каять. Çак проекта пуçарса яракансем - ялта ĕçпе пиçĕхсе ÿснĕ, халĕ хулара пурăнакан чăваш каччисем.
Чÿкĕн 3-мĕшĕнче республикăри музейсем, театрсемпе библиотекăсем кашнин валлиех хăйсен алăкĕсене уçрĕç. Хальхинче сăлтавĕ урăхларах пулчĕ: Пĕтĕм Раççейри Искусствăсен каçĕ иртрĕ. Унта пултарулăхра сулмаклă утăмсем тăвакан, çак ăсталăха аталантаракан, искусствăна юратакан пин-пин çын хутшăнать.
"Ревизорро" кăларăм ертÿçи Елена Летучая Шупашкара килсе кайни, вăл кунти пĕр кафене çеç ырлани пирки хаçатра çырса пĕлтернĕччĕ. Вăл ун чухне "Ехрем хуçа" ресторана тĕрĕслесен тĕлĕннине те палăртнăччĕ.
Елена Летучая килсе кайнă хыççăн çак ресторанпа Роспотребнадзор кăсăкланнă. Ахальтен мар. Кăларăм ертÿçи унта таракансемпе йĕпе кăпшанкăсене асăрханă-çке. Тĕрĕслев хыççăн ресторанта йĕркене пăснине тупса палăртнă. Мĕнлисене? Кун пирки хальлĕхе уççăн каламаççĕ.
Республикăри ачасемпе çамрăксен библиотеки "Çĕнĕ ятсем уçатпăр" конкурса ЧР Культура министерстви пулăшнипе ирттерет. Кăçал вăл улттăмĕш хут йĕркеленнĕ, ăна Константин Иванов çуралнăранпа 125 çул çитнине халалланă.
Республикăра "Нарспи" аудиокĕнеке кăларма хатĕрленни пирки тахçанах калаçма пуçланă. Халĕ кĕнеке сутлăха тухнă.
Комплекта икĕ диск кĕрет: пĕри - чăвашла, тепри - вырăсла. Вырăсла вариантĕнче Константин Ивановăн вилĕмсĕр поэминчи автор сăмахĕсене паллă актер Михаил Ефремов вулать. Чăвашла аудиокĕнекере çак сăмахсене вуламашкăн Николай Сергеева шаннă.
Чăвашла верси
Русская версия
