Чăвашла верси
Русская версия
4 Раштав, 2017
Хĕрсем каллех кĕрешеççĕ
Паян «Шупашкар-Арена» пăр керменĕнче Чăваш Ен Пуçлăхĕн Михаил Игнатьевăн парнисене çĕнсе илессишĕн Раççейĕн уçă кубокĕ пуçланчĕ.
Новости по теме
2 Раштав, 2017
Япони команди çĕнтерчĕ, Раççей — пиллĕкмĕш
Çапла вĕçленчĕ раштавăн 1-мĕшĕнче пуçланнă тĕнче кубокĕ. Тĕп парнине çĕнсе илессишĕн финалта Японипе Китай командисем тупăшрĕç. Юлашки раунд 4:4 шутпа вĕçленчĕ пулин те Япони çĕнтернĕ тесе йышăнчĕç.
2 Раштав, 2017
"Раççей чăваш пики" - Йĕпреç районĕнчен
1 Раштав, 2017
Хĕрсем тупăшаççĕ… пур вăйран
Тĕнче кубокĕн пĕрремĕш кунĕ вĕçленчĕ. Ăмăртусен пĕтĕмлетĕвĕпе Япони, Китай, Монголи командисем турнирăн чи çÿллĕ картлашки çине çĕкленчĕç.
1 Раштав, 2017
Паян «Единая Россия» парти конференцийĕ уçăлчĕ
Паян Шупашкарта И.Я.Яковлев ячĕллĕ ЧПУн Ларусен залĕнче Пĕтĕм Раççейри «Единая Россия» политика партийĕн Чăваш регион уйрăмĕн XXVI конференцийĕ уçăлчĕ.
Конференци ĕçне Чăваш Ен Пуçлăхĕ Михаил Игнатьев та хутшăнчĕ, республикăн социаллă-экономика пурнăçĕпе паллаштарчĕ, тăван тăрăх аталанăвне «Единая Россия» парти членĕсем уйрăмах пысăк тÿпе хывнине палăртрĕ. «Эпир — пĕр команда, эпир пĕрле ĕçлесшĕн, пĕрле пурăнасшăн», — терĕ Михаил Игнатьев.
1 Раштав, 2017
Хĕрсем кĕрешĕве тухрĕç
Паян «Шупашкар-Арена» пăр керменĕнче тĕнче кубокĕ пуçланчĕ. Тĕп парнене çĕнсе илессишĕн Раççей, Япони, Китай, АПШ, Монголи, Азербайджан, Швеци, Украина командисем 8 виçе категорийĕнче вăй виçеççĕ.
1 Раштав, 2017
"Хыпар" издательство çуртĕнче ача-пăча кăларăмĕсене тишкерчĕç
Паян "Хыпар" издательство çуртĕнче кунта тухса тăракан ача-пăча кăларăмĕсене тишкерчĕç. Аса илтерер: издательство çурчĕ хăйĕн кашни кăларăмĕпех аталану планне палăртать.
30 Чÿк, 2017
Хăрушсăрлăх темипе – тÿрĕ лини
Чăваш Ен Пуçлăхĕ Михаил Игнатьев Правительство членĕсемпе ирттерекен канашлусенче халăхпа уçă калаçусем йĕркелемеллине тăтăшах палăртать, çивĕч ыйтусене вăхăтра татса памаллине аса илтерет.
30 Чÿк, 2017
Кун йĕркинчи тĕп ыйту: бюджет — 2018
Патшалăх Канашĕн черетлĕ 15-мĕш сессийĕн эрне каялла иртнĕ пĕрремĕш тапхăрĕнче республикăн 2018 çулхи, планпа пăхнă 2019 тата 2020 çулсенчи бюджечĕ çинчен калакан саккун проектне пĕрремĕш вулавпа йышăннăччĕ. Ĕнер сесси малалла ĕçлерĕ, депутатсем бюджета иккĕмĕш вулавпа йышăнчĕç — ку сессин кун йĕркинчи тĕп ыйту пулчĕ. Оппозицири фракцисем ку хутĕнче те хĕрÿллĕ пулнине, çийĕнчен эрне каялла çĕкленĕ ыйтусенех тепĕр хут тапратнине шута илсен — чăннипех иккĕмĕш дубль…
30 Чÿк, 2017
Тĕнче кубокĕ старта тухма хатĕр
Паян «Шупашкар-Арена» пăр керменĕнче ыран пуçланакан тĕнче кубокне халалласа пресс-конференци иртрĕ.
Унта тĕнче кубокĕн техника делегачĕ Родика Мария Якши, РФ кĕрешÿ спорчĕн федерацийĕн пĕрремĕш вице-президенчĕ Наталья Ярыгина, РФ хĕрарăмсен пĕрлештернĕ командин аслă тренерĕ Александр Борзунов, ЧР спорт министрĕ Сергей Шелтуков, ЧР кĕрешÿ спорчĕн федерацийĕн ертÿçи Алексей Лапшин, спорт судйисем Сильвестри Антониопа Едит Дзоса хутшăнчĕç.
