МИХсем

3 Авăн, 2020

Хаçат ĕçченĕсем финала тухнă

Андрей Первозванный апостол фончĕ йĕркелекен Пĕтĕм Раççейри журналистсен «Семья и будущее России» конкурс финалисчĕсене палăртрĕç. Çак йыша Чăваш Республикинчи массăллă информаци хатĕрĕсенче ĕçлекен икĕ журналиста кĕртнĕ. Вĕсем: «Хыпар» Издательство çурчĕн «Чăваш хĕрарăмĕ» хаçат корреспонденчĕ Марина Тумаланова (căн ÿкерчĕкре) тата «Грани» хаçат корреспонденчĕ Татьяна Горячкина.

7 Çурла, 2020

Аудиохаçат тухма пуçланă

Чăвашсен пĕрремĕш хаçатне, «Хыпара», кăларма пуçланăранпа 2021 çулхи кăрлач уйăхĕнче 115 çул çитет. Паллă кун умĕн «Хыпар» Издательство çурчĕ çĕнĕ проект – «Аудиохаçат» – пуçарчĕ.

Вăхăт хальхи саманара нихçанхинчен ытла хаклă. Юратнă хаçатсемпе тĕплĕн паллашма та пур чухне ĕлкĕрейместпĕр. Тĕнче тетелне кĕмесĕр вара чун чăтмасть. Пурнăçăн çĕнĕ чăнлăхне шута илсе «Хыпар» Издательство çурчĕ «Аудиохаçат» сасă проекчĕ пуçарчĕ. Вăл – радио мар, анчах аудиохаçат хăйĕн яланхи итлекенне тупасса шанатпăр.

27 Çу, 2020

Йÿнĕ хакпа çырăнтараççĕ

«Хыпар» Издательство çурчĕн хаçат-журналне 2020 çулăн иккĕмĕш çурри валли июнĕн 1-10-мĕшĕсенче йÿнĕ хакпа çырăнма ĕлкĕрĕр. Пирĕн кăларăмсене почта уйрăмĕсенче тата почтальон урлă йÿнĕ хаксемпе çырăнтараççĕ. 

www.hypar.ru

Pages