Новости по теме

Иртнĕ эрнере Чăваш патшалăх ÿнер музейĕнче Сергей Андреевăн ĕçĕсен куравĕ уçăлчĕ.

Сăрă ăстин картинисем чăннипех те чун-чĕре хĕлĕхне хускатрĕç. Ăшăлăх, ырăлăх, чăнлăхпа килĕшÿ тапса тăрать вĕсенче.

Вырма вăхăтĕнче яланах ялхуçалăх ĕçченĕсем çитмеççĕ. Çавна май Йĕпреç районĕнчи «Путиловка» агрофирма тата «Красный партизан» колхоз ертÿçисем юлашки çулсенче хуçалăх ĕçне аслă шкулсенче вĕренекен студентсене явăçтараççĕ. Кăçалхи июнь уйăхĕнче «Красный партизанра» Шупашкарти ялхуçалăх академийĕн 5 студенчĕ вăй хунă. Вĕсем сĕт-çу фермине юсанă.

Чăвашстат кăтартăвĕпе кăçалхи пĕрремĕш çур çулта Чăваш Енре пĕлтĕрхи çак вăхăтрипе танлаштарсан 338 ача ?4 процент% сахалрах çуралнă, 142 çын ?1,7 процент% нумайрах вилнĕ. 2015 çулхи январь-июнь уйăхĕсенче республикăра 8176 ача тĕнчене килнĕ, 2014 çулта вара - 8514 пепке. Асăннă вăхăтра кăçал 8474 çын пурнăçран уйрăлнă, иртнĕ çул - 8332. Ентешсем ытларах çак сăлтавсене пула вилни палăрать: юн çаврăнăшĕн чирĕсемпе ?35,4 процент%, тулашри сăлтава пула ?14,2 процент%, шыçă чирĕсемпе ?11,6 процент%, апата ирĕлтерекен органсен ?6,8 процент% тата сывлав ?7 процент% чирĕсемпе.

РФ Спорт министерстви Раççей субъекчĕсемпе пĕрле патшалăхăн "Физкультурăпа спорта аталантарасси" программине пурнăçлать. Федераци шайĕнчи статистика сăнавĕн кăтартăвĕсем тăрăх 2014 çулта асăннă программăна пурнăçлас енĕпе Чăваш Республики РФ субъекчĕсен рейтингĕнче 82 регион хушшинче улттăмĕш вырăн йышăннă.

Раççей спорт министрĕ Виталий Мутко Чăваш Ен Пуçлăхĕн тивĕçĕсене вăхăтлăх пурнăçлакан Михаил Игнатьев ăнăçлă ĕçленине палăртнă: "Михаил Васильевич, сире физкультурăпа спорт аталанăвĕн ыйтăвĕсем тĕлĕшпе тимлĕ пулнăшăн тав тăватăп".