Культура

31 Çурла, 2021

Театрсене çӳреме 3 пин тенкĕ параççĕ

Авăн уйăхĕн 1-мĕшĕнче çĕршывра «Пушкин картти» программа старт илĕ. Ăна РФ Президенчĕн Владимир Путинăн пуçарăвĕпе çамрăксене культура учрежденийĕсене çӳреме майсем туса парас тĕллевпе ĕçе кĕртеççĕ. Чăваш Енре программа мĕнле пурнăçланĕ? Çакна Чăваш Ен Пуçлăхĕ Олег Николаев ертсе пынă канашлура тишкерчĕç.

30 Çурла, 2021

Орденпа чысланă

Çĕмĕрле районĕнчи чи çирĕп çемьесенчен пĕрне — Юрий Игнатьевичпа Александра Григорьевна Мироновсене — «Юратупа шанчăклăхшăн» орденпа чысланă.

Çавăн пекех вĕсене çемье институтне çирĕплетнĕшĕн республикăн патшалăх наградине панă. Юрий Игнатьевичпа Александра Григорьевна 50 çул ытла ĕнтĕ килĕштерсе пурăнаççĕ. Ачисене тĕрĕс воспитани панă çеç мар, ял аталанăвĕшĕн те ырми-канми тăрăшаççĕ. Мăшăра Çĕмĕрле район администрацийĕ хаклă парнесемпе чысланă.

24 Çурла, 2021

Молдавире чăваш киновĕн кунĕсем иртĕç

Çурла уйăхĕн 25-28-мĕшĕсенче Молдавире «Асам ахрăмĕ» Чăваш киновĕн кунĕсем иртĕç. Фестивале «Чăваш чĕлхине упраса хăварасси, вĕрентесси, аталантарасси» программăпа килĕшӳллĕн йĕркеленĕ. Палăртмалла: чăваш наци фильмĕсене чикĕ леш енче 1927 çултанпах кăтартман.

22 Çурла, 2021

Хуракасси ялӗнче асӑну комплексне уҫма хатӗрленеҫҫӗ

Кӑҫалхи чӳк уйӑхӗн 5-мӗшӗнче Сӗнтӗрвӑрри районӗнчи Хуракасси шкулӗнче хӑрушӑ пушар пулнӑранпа 60 ҫул ҫитет.

Ҫав пушарта 106 ача тата 4 вӗрентекен ҫунса вилнӑ. Ку халӑхшӑн тӳрленми суран. Ҫавна май Хуракасси ҫӑви ҫинче асӑну комплексӗ уҫма хатӗрленеҫҫӗ.

18 Çурла, 2021

«Чăвашкино» Праски Витти çинчен фильм ÿкерет

Авăн уйăхĕн 17-мĕшĕнче Чăваш халăх художникĕ Праски Витти çуралнăранпа 85 çул çитĕ. Çавна май «Чăвашкино» патшалăх киностудийĕ Виталий Петровичăн пурнăçĕпе пултарулăхĕ çинчен документлă фильм ÿкерме палăртнă.

Фильмăн режиссерĕпе сценарисчĕ – Алексей Енейкин. Паянхи кун фильм ÿкерекен ушкăн Вăрнар районĕнче – художникăн тăван тăрăхĕнче – ĕçлет.

Pages