Хальхи вăхăтра ял территорине комплекслă аталантарасси çивĕч тăрать. «Биоэкополис» проектăн пуçару ушкăнĕн координаторĕ Н.А.Зайцев, Раççейри ăслăлăхсен академийĕн членкорреспонденчĕ, экономика наукин докторĕ В.В.Лазовский, Канаш районĕнчи Аслă Асхва Пикшик ял тăрăхĕн пуçлăхĕ С.П.Иванов ертсе пынипе специалистсем Канаш районĕнчи Вырăскас Пикших ялне биоэкополис мелĕпе аталантарассипе проект хатĕрленĕ.
Чăваш Енри 11 районта вырмана тухнă.
Утă уйăхĕн 27-мĕшĕ тĕлне илсен пĕрчĕллĕ тата пăрçа йышши культурăсене 4,7 пин тонна çапса тĕшĕленĕ, тухăç кашни гектартан вăтамран 36,1 центнер тухать. Чăваш Ен Ял хуçалăх министерствинче пĕлтернĕ тăрăх, пĕлтĕр гектартан 26,2 центр тухнă.
Елчĕк районĕнче çĕр улми кăлараççĕ, Куславккапа Хĕрлĕ Чутай районĕсенче – пахча çимĕç.
Çуркуннерен пуçласа хура кĕрчченех çĕр ĕçченĕн ларса канма вăхăт çук. Тин кăна-ха ака-суха вĕçлерĕмĕр, сисмесĕрех хирсем саралма та тытăнчĕç: кĕрхи культурăсем пиçсе çитрĕç. Чылай хуçалăхра вырмана тухма хатĕрленеççĕ, техникăна тепĕр хут тĕрĕслеççĕ. Елчĕк районĕнче вара вырма хĕрсех пырать.
Унта иртнĕ эрнеренпех уй-хирте «хир карапĕсем» хуçаланаççĕ. Ĕçченсем пĕрчĕллĕ тата пăрçа йышши культурăсене вырма тытăннă. Пушаннă лаптăксем куллен пысăкланаççĕ.
Кил хуçалăхĕсенче туса илекен сĕтĕн сутлăх хакĕ çулла анса ларни ĕне усракансене кулянтарать. Вырăнти хăй тытăмлăх органĕсем ăна текех ан чакарччăр тесе продукцие туянакансемпе пухакансене ӳкĕте кĕртме тăрăшаççĕ.
Чăвашла верси
Русская версия
