"Чăвашла пĕлетĕр-и?" — калаçу пуçартăм Сарă ту облаçĕнчи Калманттай салинче тĕпленнĕ хĕрарăмсемпе. "Паллах", — хурав пачĕç йăхташăмăрсем. Манăн вĕсенчен Çăпата музейĕ çинчен ытларах ыйтса пĕлес килчĕ. Çитменнине, çакăнта çаплипех çăпата хуçас енĕпе ăсталăх класĕсем йĕркелеççĕ. Паянхи саманара мĕн тума кирлĕ ĕлĕкхи çав хатĕр?
Иркутск тăрăхĕнче 4 пин ытла чăваш пурăнать. 1991 çулта йăхташăмăрсем «Юлташ» пĕрлĕхе чăмăртаннă. Халĕ унăн ĕçне Вероника Тимофеева йĕркелесе пырать.
Питĕрти йăхташăмăрсен юлташ тупма çав тери ансат. Вĕсен чăваш чĕлхи клубне кăна каймалла. Ăна Йĕпреç районĕнчи Чăрăшкассинче çуралнă Екатерина Данилова ертсе пырать. Вăл аслă шкулти истори факультетĕнче пĕлÿ илнĕ.
Екатеринбургри чăваш наци-культура автономийĕ йĕркеленнĕренпе 10 çул çитнине ентешсемпе пĕрле анлăн паллă тăвасшăн. Çавăнпах пурне те Акатуя йыхлавлатпăр. Наци уявĕ çу уйăхĕн 19-мĕшĕнче «Таганская слобода» кану паркĕнче иртĕ. Чăваш наци конгресĕн, тĕрлĕ регионти чăваш автономийĕсен хастарĕсене, Екатеринбургри наци пĕрлешĕвĕсен ертÿçисене, Чăваш Енри фольклор ушкăнĕсене, эстрада юрăçисене хăнана чĕнетпĕр.
Йăхташăмăрсен кун-çулĕпе интернет уçлăхĕнче паллашнă май Новосибирск облаçĕнчи Чăваш ятлă ялти пĕр хĕрарăм куç тĕлне пулчĕ.
Чăвашла верси
Русская версия
