брифинг
Шалăва пĕчĕклетмен
Иртнĕ тунти кун «Учительсен вăтам ĕç укçи» темăпа ЧР вĕренÿ министрĕн тивĕçĕсене пурнăçлакан Светлана Петрова брифинг ирттернĕ. Вĕрентекенсен шалăвне пĕчĕклетни пирки сас-хура сарăлни хальхинче тĕл пулу йĕркелемелли сăлтава çаврăннă. Пуш уйăхĕнче ĕç укçине, кăрлач-нарăсрипе танлаштарсан, пĕчĕкрех илнĕ май учительсем пăшăрханса ÿкнĕ-мĕн. Светлана Владимировна ыйтăва тĕплĕн уçăмлатса панă.
Тĕрĕслев тата вĕренÿ
Кăçалхи пуш уйăхĕн 17-26-мĕшĕсенче Раççей МЧСĕн Атăлçи регион центрĕн комиссийĕ Чăваш Енре граждан оборони, халăха тата территорие çут çанталăк, техногенлă синкерсенчен хÿтĕлес, шыв обCекчĕсенчи тата пушар хăрушсăрлăхĕ енĕпе комплекслă тĕрĕслев ирттерет.
"Çакнашкал тĕрĕслевсене ĕç тăвакан влаç органĕсемпе пилĕк çулта пĕрре йĕркелеççĕ", - терĕ Раççей МЧСĕн Чăваш Республикинчи тĕп управленийĕн пуçлăхĕ Станислав Антонов генерал-майор. Ăна хальхинче яваплă тапхăр - ейÿ вăхăчĕ пуçланас тата пушар тухас хăрушлăх палăрмаллах ÿсес умĕн - ирттереççĕ.
Ертÿçĕ ĕçне мĕнле хаклатăр?
ЧР экономика аталанăвĕн, промышленноç тата суту-илÿ министрĕн çумĕ Инна Антонова журналистсемпе тĕл пулчĕ. Республика Пуçлăхĕн пуш уйăхĕн 6-мĕшĕнчи "Çынсем вырăнти хăй тытăмлăх органĕсен, республика тата муниципалитет шайĕнче ĕçлекен унитари предприятийĕсемпе учрежденийĕсен, акцисен ытларах пайĕ Чăваш Ен е муниципалитет харпăрлăхĕнче шутланакан, муниципалитет йĕркеленĕвĕсенче халăха пулăшу кÿрекен акционер обществисен ертÿçисен ĕç-хĕлĕн тухăçлăхне хак парасси çинчен" Указне ăнлантарса пачĕ.