ЧР Министрсен Кабинечĕн Председателĕн заместителĕ — ял хуçалăх министрĕ Сергей Артамонов канашлура район ертÿçисемпе çурхи ака-сухана пĕтĕмлетнĕ, кĕрхи уй-хир ĕçĕсене сÿтсе явнă.
Кĕрхи кун кĕске. Кăнтăр вăхăчĕ иртрĕ кăна – тавралăх тĕттĕмленме тытăнчĕ. Уй-хире юр йăлтах хуплайман-ха. Шурă кĕрĕк çинчи саплăк пек унта-кунта хура çĕр курăнать.
Тӳпене йывăр хура пĕлĕтсем карса илнĕ пулин те çумăр çумасть-ха. Уйри çул та çăрăлмасть, машина çăмăллăнах чупать. «Юрать, çанталăк кăштах шăнтрĕ, пылчăка типĕтрĕ», - тет Красноармейски район администрацийĕн ял хуçалăх, экономика, пурлăх пайĕн пуçлăхĕн çумĕ Владилен Васильев.