Тăварлă апат
Сысна та тăвар хушнă апат килĕштерет. Чăн та, хăшĕ-пĕри унсăрах çиме кăмăллать. Апата тăвар мĕн чухлĕ ярасси выльăх йывăрăшĕнчен килет. Сăмахран, 120 кг таякан сыснана талăкра 14 г тăвар кирлĕ, 240 кг — 20 г. Хушма хуçалăхра ăна час-часах сĕтел çинчи апат-çимĕç юлашкине паратпăр. Ку пек чухне асăрхануллă пулмалла. Çимĕçре ахаль те тăвар нумай. Сыснана тата тăвар хушса парсан вăл наркăмăшланма пултарать.