Конкурс

12 Ака, 2018

«Ертÿçĕсем ачасен чĕлхине ăнланчĕç»

Конкурс — пысăк та йывăр тĕрĕслев. «Чăваш Ен чиперкки-2018» тупăшăва хутшăннисем çакна аван пĕлеççĕ. Нарăс уйăхĕн пуçламăшĕнче ЮТВ телеканал «Чăваш Ен пики-2018» тата «Чăваш Ен чиперкки-2018» илем конкурсĕ йĕркелерĕ. Республикăри чи хитре хĕрсемпе хĕр ачасем икĕ уйăха яхăн тупăшнă.

Конкурс - пĕрре хут

22 Пуш, 2018

Çын тени мăнаçлă илтĕнет

Максим Горький çуралнăранпа 150 çул çитнĕ ятпа ирттернĕ «Çын тени мăнаçлă илтĕнет» республика конкурсĕ вĕçленчĕ. Ăна К.В.Иванов ячĕллĕ Литература музейĕ, Чăваш Республикин çыравçисен тата художникĕсен союзĕсем ирттерчĕç. Конкурса республикăри шкул ачисем хутшăнчĕç.

Чăваш Енĕн тĕрлĕ кĕтесĕнчен ĕçсем килни савăнтарать. Вăрнар, Йĕпреç, Куславкка, Комсомольски, Шупашкар, Çĕмĕрле районĕсенче, Çĕнĕ Шупашкар, Шупашкар хулисенче пултаруллă çамрăксем пуррине курса ĕнентĕмĕр. Пурĕ 82 ÿкерчĕк пухăнчĕ.

22 Пуш, 2018

Çирĕп чунлисене халалласа

Пуш уйăхĕн 16-мĕшĕнче пушар хăрушсăрлăхĕн Пĕтĕм Раççейри конкурсĕн ачасемпе çамрăксен «Тĕнче — пирĕн алăра» наукăпа практика конференцийĕн республикăри тапхăрĕ иртрĕ. Районта çĕнтернĕ вĕренекенсем Чăваш наци музейне пухăнчĕç. Конкурса Ырă тăвакансен çулталăкне, Раççейри Чрезвычайлă лару-тăрусен министерствин Хăрушсăрлăх культурин çулталăкне, Совет пушар хуралĕ йĕркеленнĕренпе 100 çул çитнине халалланă.

2 Нарăс, 2018

Республика Пуçлăхĕ «Раççей лидерĕсемпе» тĕл пулнă

Раççей Президенчĕ Владимир Путин сĕннипе иртнĕ çулхи юпа уйăхĕнче Пĕтĕм Раççейри «Раççей лидерĕсем» конкурс йĕркелесе янă. Унăн операторĕ — Раççей Президенчĕ çумĕнчи халăх хуçалăх тата патшалăх службин академийĕ.

Конкурс тĕллевĕ — управлени ĕçĕнче пултаруллисене тупса палăртасси, хăйсен вăйĕпе туллин усă курма пултаракансене малалла аталанма майсем туса парасси.

Pages