Archive - 27 Кăрлач, 2017 - Хыпар

27 Кăрлач, 2017

«Хыпар» 11-12 (27126-27127) №, 27.01.2017

27 Кăрлач, 2017

Парти халăх ырлăхĕшĕн тăрăшать

Кăрлачăн 21-22-мĕшĕсенче Мускавра «Единая Россия» партин XVI съезчĕ пулни çинчен «Хыпар» пĕлтернĕччĕ ĕнтĕ. Унăн ĕçне çĕршыври 728 делегат тата икĕ пин ытла хăна хутшăннă. Çак йышра Чăваш Ен делегацийĕ те пулнă.

27 Кăрлач, 2017

Университет студенчĕсен хăйсен талисманĕ пур

Кăрлачăн 25-мĕшĕнче Раççейри аслă шкулсенче Студентсен кунне паллă турĕç. Çак кун 1755 çулта çĕршывăн ун чухнехи патши Елизавета Мускавра университет тата икĕ гимнази уçмалли çинчен Указ алă пуснă. Чиркӳ календарĕ тăрăх вара — Çветтуй Татиана кунĕ. Асап курнă Татиана студентсен хӳтĕлевçи пулса тăни шăпах çавăнпа çыхăннă.

27 Кăрлач, 2017

УЭК памаççĕ

Кăçалхи кăрлачăн 1-мĕшĕнчен универсаллă электрон карттă /УЭК/ пама чарăннă, çапах ăна маларах илнисем карттăн юрăхлăх вăхăчĕ вĕçлениччен унпа усă курма пултараççĕ — çапла пĕлтерчĕç ЧР Информаци политикипе массăллă коммуникацисен министерстви йĕркеленĕ брифингра.

27 Кăрлач, 2017

Мĕнпе савăнтарам-ши сана, Чĕкеçĕм?

Ир тăрсан пĕр-пĕрне çепĕççĕн сывлăх сунса, чун ăшшине парнелесе, пĕр ĕмĕт-тĕллевпе шăкăлтатса пурăннине мĕн çиттĕр? Çĕр çине пĕрре килетпĕр мар-и! Мĕншĕн-ха ним çукранах шăв-шав кăлармалла? Çак тарана çитсе темĕн тĕрлĕ кил-йышпа та çывăх паллашрăм, анчах Хĕрлĕ Чутайри Чубайкинсем пек çемьепе тĕл пулманччĕ-ха. Пĕр çăвартан пурăнакан туслă мăшăр ял пурнăçĕн, йăх-несĕлĕн йĕркине тĕпчесе чăвашлăхпа халăх йăли-сăлайне, сăмахлăхне çине тăрса аталантарать. Ăс-тăнпа кăмăл-сипете пысăк тимлĕх уйăрнăран виçĕ ачи те тăван çĕре, ял-йышпа çĕршыва чунтан юратса, район центрĕнче пурăнсан та ашшĕ-амăшĕ пекех чăвашла таса калаçса çитĕнет. Лавкка таварĕнчен ытла сцена, алĕç ăсталăхĕпе, вĕренӳри, спортри, пултарулăхри çитĕнӳсемпе пĕр-пĕрне хавхалантарасси ырă йăлара. Николай Валерьевич чунĕ юрланă чухне арăмне куçран пăхса ытараймасăр: «Мĕнпе савăнтарам-ши сана, Чĕкеçĕм?» — тет çумне çупăрласа. «Эпĕ ăна кăйкăрпа танлаштаратăп», — упăшкишĕн çунса тăнине палăртать Елена Георгиевна.

27 Кăрлач, 2017

Пурнăç тĕллевĕ – çынсене пулăшасси

Чăваш Ен сывлăх сыхлавне аталантарма сумлă тӳпе хывнă паллă çынсем — Етĕрне хулин хисеплĕ гражданинĕ Нина Яковлева тата Григорий Алексеев профессор — кăрлач уйăхĕнче 90 çул тултарчĕç.

27 Кăрлач, 2017

«Кунĕ пур вĕт çут тĕнчен – пурăнасчĕ ыранччен»

— Гаврил Спиридонович, си­рĕншĕн иртнĕ çул мĕнпе асра юлчĕ?

— Ватăлса пыратпăр та асра юлмаллисемех пуласси иртрĕ пуль... Çырма йывăртарах ĕнтĕ. Пирĕн районăн «Çĕнтерӳшĕн» хаçачĕ нарăсăн 5-мĕшĕнче 85 çул тултарать. Йĕпреç тăрăхĕнчи литпĕрлешӳ Çемен Элкер ячĕпе хисепленет. Унта çӳренĕ калем ăстисен сăнӳкерчĕкĕсем пур манăн. Редактор сăнӳкерчĕксене пăхса Çемен Элкер килни, тĕлпулусем ирттерни пирки асаилӳ çырма ыйтрĕ. Çав ĕçе пикентĕм.

27 Кăрлач, 2017

Пирĕн Мелани Агафья Лыкова пекех

Геологсем 1978 çулта, вертолетпа Хакас автономи облаçĕнчи сĕм тайга çийĕпе вĕçсе пынă чухне, юханшыв хĕрринчи тайлăмри пĕрене пӳртпе çĕрулми анине асăрханă. Цивилизацирен 250 çухрăмра çынсем пурăннине ăнланса уçланкăна анса ларнă.

Pages