Archive - 2017 - Çамрăксен хаçачĕ

* Пушарта организм инфаркт умĕнхи пекех пăлханать

Пушарнăйсен профессийĕ — чи йывăррисенчен пĕри. Çак тытăмра ĕçлекенсен тĕп тивĕçĕ — çынсен пурнăçне çăласси. Кашни кун тенĕ пекех вĕсен этемĕн хуйхи-суйхипе тĕл пулма тивет. Тухтăрсем палăртнă тăрăх, пушарта организм инфаркт умĕнхи пекех пăлханать. Шупашкарти ятарлă пушарпа çăлав чаçĕн хурал пуçлăхĕ Евгений Долгов ĕçри йывăрлăхĕсем пирки каласа кăтартрĕ.

Ĕненмелле мар пек-и? Чăнах та, Чăваш Ен атлечĕсем авăн уйăхĕн 3-10-мĕшĕсенче Венгрири Будапешт хулинче армрестлинг енĕпе тĕнче шайĕнче иртнĕ чемпионатра 10 медаль çĕнсе илнĕ. Унта 55 çĕршывран çитнĕ 1 пине яхăн атлет хутшăннă. Хăлха илтменнисен тупăшăвĕнче Раççейĕн пĕрлештернĕ команди йышĕнче Шупашкарти спортпа адаптаци шкулĕн 6 хастарĕ ăмăртнă.

Çапла, çапла, кăçалтан Шупашкарти 29-мĕш шкула çамрăк директор ертсе пырĕ. Илья Тумаков çак должноçа хула администрацийĕ ирттернĕ конкурс витĕр тухса тивĕçнĕ.

* Яппуна какай шÿрпи килĕшнĕ

* Сад ĕрчетсе Таиландра канмашкăн тупăш тăвать

«Ют çĕршыв çыннине качча тухса урăх патшалăхра пурăнма-и? Ку — ман пирки мар», — çапла пĕрре мар каланă Марианна Вашурова юлташĕсене. Унăн чунне çывăх Шупашкар хулинчен ниçта та каяс килмен. Анчах хĕрĕн пурнăçĕ пач урăхла çаврăнса тухнă.

Вĕсен сад пахчине кĕрсен джунглие лекнĕ пекех туйăнать. Миçе тĕрлĕ ÿсен-тăран, йывăç-курăк, чечек ешермест-ши унта? Инжир, женьшень, иçĕм çырли, груша, клематис, персик... Ĕненетĕр-и: вĕсем Муркаш районĕнчи Хорнуй ялĕнче çитĕнеççĕ. Мĕнле майпа тетĕр-и? Çемье пуçĕ Александр Ванюшкин пахчинче малтан çĕр улмипе купăста çеç ÿстернĕ, халĕ вара унта вун-вун тĕслĕ улма-çырла, ÿсен-тăран çитĕнет.

Хальхинче «Çамрăксен хаçачĕн» тĕпелне пĕр çемьере çитĕннĕ хĕрсене — Екатеринăпа Ольга Трофимовăсене — йыхравларăмăр. Вĕсем пĕртăван аппăшĕпе йăмăкĕ мар пулин те иккĕшĕ çав тери çывăх, пĕр-пĕрне яланах пулăшма хатĕр.