çамрăксем

20 Çурла, 2020

Çартан пăрăнса çÿренĕ

Елчĕк районĕнче пурăнакан икĕ каччă салтака каяссинчен пăрăннă. Çавăншăн вĕсене явап тыттарнă.

19 тата 22 çулсенчи икĕ çамрăк çар ретне тăма юрăхлă пулнă. Вĕсене 2019 çулхи чÿк уйăхĕнче çар комиссариантне чĕнсе повестка тыттарнă. Палăртнă кун çитсен каччăсем кайман. Вĕсен тĕлĕшпе РФ Уголовнăй кодексĕн 328-мĕш статйин 1-мĕш пайĕпе ĕç пуçарнă. Çартан пăрăнса çÿренĕ каччăсене суд 20 тата 25 пиншер тенкĕ штрафланă. Сăмах май, маларах Çĕмĕрлери каччăна çавăншăн явап тыттарнă.

20 Çурла, 2020

Студентсем шкул ачисене вĕрентĕç

Республикăри аслă шкулсенче педагога вĕренекен аслă курс студенчĕсем шкулсенче вĕрентейĕç. Ку ыйтăва И.Я. Яковлев ячĕллĕ Чăваш патшалăх педагогика университетĕнче иртнĕ «çавра сĕтелте» сÿтсе явнă.

Калаçăва Чăваш Ен Ĕç тата социаллă хÿтлĕх министерствин пай пуçлăхĕ Алексей Григорьев, ЧППУн ректорĕ Владимир Иванов, Шупашкар хула администрацийĕн вĕрентÿ управленийĕн пуçлăхĕ Дмитрий Захаров тата ыттисем хутшăннă.

22 Утă, 2020

Çамрăк стоматолога килĕштереççĕ

Çĕнĕ Шупашкар хулинчи стоматологи поликлиникинче çĕнĕ специалист, Никита Новокрещенов, ĕçлеме пуçланă. Каччă И.Н. Ульянов ячĕллĕ Чăваш патшалăх университетĕнчен вĕренсе тухнă. Хĕрлĕ дипломлă специалист, ординатор. Ÿлĕмрен чăн-чăн специалист пулса тăма ĕмĕтленет.

20 Утă, 2020

Тухтăра Шупашкарта вĕреннĕ

И.Н. Ульянов ячĕллĕ Чăваш патшалăх университетĕнчен тухтăра кăçал вĕренсе тухнисенчен 59 проценчĕ çеç – хамăр тăрăхри çамрăксем. Шупашкарати аслă шкулăн медицина факультетне çĕршывăн 38 регионĕнчи çамрăксем суйланă.

«Стоматологи» енĕпе 355 çын алла диплом илнĕ, «Сиплев ĕçĕпе» – 279 çамрăк, «Педиатрипе» – 48-ăн. Медицина факультетĕнчен кăçал вĕренсе тухнисенчен 59-шĕ хĕрлĕ диплома тивĕçнĕ. Чăваш Ен Сывлăх сыхлав министерствин направленийĕпе вĕреннĕ 82 çамрăк хăйсем хăш больницăра ĕçлессине халех пĕлеççĕ.

29 Çĕртме, 2020

Раççейри студентсем Шупашкарта ăмăртĕç

Шупашкарта Пĕтĕм Раççейри студентсен II вăййи иртмелле. ЧР Спорт министерстви пĕлтернĕ тăрăх, спортăн наци тата олимп мар енĕсемпе ăмăртакан çамрăксем Шупашкара авăн уйăхĕн вĕçĕнче килĕç.

Студентсен ăмăртăвне республикăмăр пуçласа пĕлтĕр, çурла уйăхĕнче, йышăннăччĕ. Унта Раççейĕн 17 регионĕнчи 250 студент ăмăртнăччĕ. Тупăшăва Якут, Бурят республикисенчи, Тюмень, Омск облаçĕсенчи спорстменсем те çитнĕччĕ.

www.hypar.ru Cap.ru сăн ÿкерчĕкĕ.

Pages