Надежда СМИРНОВА.

Чăваш Енĕн чи сумлă та пĕлтерĕшлĕ уявĕ — Республика кунĕ хыçа юлчĕ. Тепĕр çулччен сыв пуллашрăмăр унпа. Тата икĕ çултан тăван республикăн 100 çулхи юбилейне паллă тăвăпăр.
Çак пулăм пирĕншĕн питĕ пĕлтерĕшлĕ. Мĕн пуррине, ĕмĕр хушшинче тунă çитĕнÿсемпе йăнăшсене, савăнăçсемпе инкексене тепĕр хут тишкерсе хак пама кирлĕ. Тĕрĕссипе, Чăваш патшалăхĕн историне, кун-çулне тĕплĕнрех пĕлес тесен вĕсене иртнĕ ĕмĕрĕн 20-мĕш çулĕнчен пуçласа çеç мар, 1100 çултан та тарăнрах шырамалла.

Çĕршыври чи илĕртÿллĕ хулана тупса палăртас тĕлĕшпе «город-россии.рф» сайтпа çулленех сасăлав ирттереççĕ. Чи нумай сасă пухакан хула çĕнтерÿçĕ пулса тăрать.

«Раççей хули — наци суйлавĕ» проект пуçласа 7 çул каялла ĕçлесе кайнă. Малтанхи тапхăрта Шупашкар чи нумай сасă пухакан 5 хула хушшинче пулнă. 2013 çулта 1-мĕш вырăн йышăннă.

Чăвашсен — Акатуй, тутарсен — Сабантуй. Сĕм авалтан пĕр пĕлтерĕшпе, сăлтавпа паллă тунă уявсем. Тĕлĕнмелле: паянчченех сыхланса юлнă вĕсем. Тутарсен çак уявĕ çинчен аса илме сăлтав пур: паян Шупашкарта федераци шайĕпе ирттерекен XVIII Сабантуй уçăлчĕ.

Ăна Чăваш Ен тĕп хулинчи чи илемлĕ вырăн — Хĕрлĕ тÿрем тата Анне монуменчĕ çывăхĕнчи лапам йышăнчĕç. Анне монуменчĕ çывăхĕнче тутар «ялĕ» ÿссе ларнă. Кунта тăванла халăхăн çемье традицийĕсемпе паллашма, йăли-йĕркисене курса савăнма, хуçалăх таврашĕн илемĕпе киленме пулать.

Чăвашсемшĕн Акатуй сумлăх, чыслăх çулсерен! Икĕ пин те пуль çак туй пирĕн пурнăç йĕркинче!

Çапла каласа хавхаланатпăр, мăнаçланатпăр эпир хамăрăн авалхи уявпа — Акатуйпа. Ака ĕçĕсем хыçа юлчĕç, çĕр канать, вăй илсе çĕнĕ тухăç парнелеме хатĕрленет. Çак самантра ял çынни канать, савăнать, çĕрпе сухапуç туйне кĕрлеттерет. Паян-ыран Чăваш Енри районсенче Акатуйсем питĕ йышлă иртеççĕ.

Pages

Subscribe to Надежда СМИРНОВА.