РФ пĕтĕмĕшле вĕрентĕвĕн хисеплĕ ĕçченĕ, Çĕрпÿ районĕнчи Сăнав поселокĕнчи вăтам шкулта ачасене чĕрĕк ĕмĕр ытла пĕлÿ паракан Татьяна Петрова конкурс-фестивальсенче çулленех пултарулăхпа палăрать.
Хаçат ĕçĕпе çула тухсан пĕлĕшĕмпе тĕл пултăм. «Питĕ вăхăтлă çитрĕн. Паян ывăлăмăн çуралнă кун. Хăна-вĕрле пухмарăм. Кичем пуласран кÿрше çеç чĕнтĕм», - терĕ вăл.
Чăваш Енри ял хуçалăх таварĕ туса илекенсене анчахрах 433,2 млн тенкĕ /федераци бюджетĕнчен - 300,7, республикăн - 132,5/ куçарса панă. Пĕлтĕрхи çак вăхăтрипе танлаштарсан 41% ытларах. Апла пулсан аграрисен çур акине хатĕрленме майсем çителĕклĕ. Çурхи кун вăхăт хаклă пулнине самантлăха та манас марччĕ.
Çĕр ĕçченĕ тĕрлĕ тĕллевпе çулленех субсиди илет. 2013 çулта республикăна аграрие вăл 2 млрд та 450 млн тенкĕлĕх çитнĕ. 2012 çулхинчен 16% ытларах.
- Патшалăх пулăшăвĕн пĕлтерĕшĕ пысăк. Ăна пулах Чăваш Енри мĕн пур тытăмри ял хуçалăх организацийĕсен 72 проценчĕ пĕлтĕр тупăшлă ĕçленĕ, пĕтĕмпе 800 млн тенкĕлĕх услам илнĕ, - терĕ журналистсене брифингра ЧР ял хуçалăх министрĕ Сергей Павлов.
Патшалăх пулăшăвĕ кăçал 1,7 млрд тенкĕпе танлашать. Пĕлтĕрхинчен самаях пĕчĕк, апла пулин те малтан палăртнă лимитран 4% нумайрах.
Чăвашла верси
Русская версия
