Чăваш Енре урапаллă больницăсем пулĕç

31 Утă, 2018

Чăван Республикин Сывлăх сыхлав министерстви куçса çÿрекен «ФАП» медицина комплексĕ хута яма палăртнă. Документсемпе килĕшÿллĕн, ĕçсене 2021 çул валли вĕçлесшĕн.

Республикăра кун пек больницăна 5 тума плана кĕртнĕ. Расхутне 32 миллион та 731 пин те 632 тенкĕ шута илнĕ. Урапаллă больницăсене васкавлă медицина пулăшăвĕ /çав шутра акушер пулăшăвĕ те/ пама, профилактика мероприятийĕсем тата сиплевĕ ирттерме палăртнă.

Комплекса кирлĕ медицина хатĕрĕсемпе тивĕçтерĕç. Документра палăртнă тăрăх, унти тавар çĕнĕ пулĕ. Тĕслĕхрен, гинекологи кресли, ростомер, электрокардиограф, 1 çула çитмен ачасем тата çитĕннисем валли тараса, пăр валли хăмпă, роторасширитель, языкодержатель, наркăмăшлă тата медицина вăйлă препарачĕсене упрамалли сейф, фельдшер сумки, дефибриллятор-монитор тата ытти те.

 

Рубрика: 
Теги: 

Комментари хушас