Иртнĕ эрнере Чăваш Енри аграрисем Ял хуçалăхĕн ĕçченĕсен кунне паллă турĕç. Çулталăк пĕтĕмлетĕвĕ тата ытти ыйту тавра ЧР Министрсен Кабинечĕн Председателĕн заместителĕпе — ял хуçалăх министрĕпе Сергей АРТАМОНОВПА калаçрăмăр.
Портфель çакнă пĕчĕк Луиза пĕр урамри ачасемпе пĕрле çĕкленÿллĕ кăмăлпа кÿршĕ ялти шкула утнă. Ара, пиллĕкмĕш класа каять вĕт. Ял вĕçне çитнĕ кăна — бригадир пырса тăнă. «Хĕрĕм, шкула ан кай, — тенĕ вăл хĕрачана. — Аçуна салтака илсе каяççĕ». Авăн уйăхĕн 1-мĕшĕнче Луиза Ивановăн ашшĕ тăшманпа кĕрешме фронта тухса кайнă.
Юратнă артистăн кашни утăмне сăнас, пурнăçĕ çинчен ытларах пĕлес килет-и? «Çăлтăрсен Инстаграмри пурнăçĕ» рубрикăри хыпарсемпе паллашма васкăр. Çак соцсетьри «Çамрăксен хаçачĕн» страницине те шĕкĕлчĕр, «подписчиксен» йышне кĕрĕр. Пире molgazeta ятпа тупма пулать. Халĕ унта пирĕн туссем хушăнсах пыраççĕ. Акă нумаях пулмасть ЧР сывлăх сыхлавĕн министрĕпе Владимир Викторовпа культура министрĕ Константин Яковлев та пирĕнпе юлташланчĕç.
Муркаш районĕнчи Йÿçкасси ял тăрăхне 13 ял кĕрет. 850 кил хуçалăхĕнче пĕр пине яхăн çынна шута илнĕ. Вырăнта культурăпа вĕрентÿ, сиплев учрежденийĕсем пур. Йÿçкасси ял тăрăхĕн пуçлăхĕ Анатолий КУЗЬМИН аталану çулĕпе паллаштарать.
Çулсерен ялсенче миçе çемье чăмăртанмасть-ши? Пĕр-пĕрне чунтан савакан, пĕр-пĕринсĕр сехет те пурăнма пултарайман хĕрсемпе каччăсем пĕрлешеççĕ. Çав вăхăтра вĕсенчен телейлĕреххи никам та çук.
Паянхи пурнăçра пĕрисем пуйса пыраççĕ, теприсем вара — чухăнланса. Çакă ялта уйрăмах лайăх палăрать. Ял хуçалăхĕсем арканни çынсен пурнăçне йывăрлăха кĕртсе ÿкерчĕ. Ĕç вырăнĕсем çукран çемьесем саланаççĕ.
Маларах ватă çынна пытартăмăр. «Вăл ун чухлĕ пурăннă-ха, çитет ăна. Йывăр тăпри çăмăл пултăр», — терĕмĕр. Вăхăт иртнĕ майăн асăнмалли кунĕ те çитрĕ. Анчах çывăх тăванĕ пĕр-ик куна чăтса çитереймерĕ. Хăйĕн çуралнă кунне паллă тума хăна-вĕрле пухрĕ. Хаваслă юрă-кĕвĕпе ватти-вĕтти сиксе ташларĕ.
Чÿк уйăхĕн 4-мĕшĕнче Раççейре Халăх пĕрлĕхĕн кунне уявлаççĕ. Унăн историйĕ XVII ĕмĕр пуçламăшĕнчи пăтравлă çулсемпе çыхăннă. Хаяр Иван патша вилнĕ хыççăн влаçа камăн йышăнмалли тавра тавлашу-хирĕçÿ пынă. Шăп çав вăхăтра Польша салтакĕсем тапăнса кĕнĕ. Кузьма Мининпа Дмитрий Пожарский ертсе пынипе Раççейре пурăнакан тĕрлĕ халăх çыннисем поляксене Мускавран хăваласа яма пултарнă.
Çак уяв çинчен халăх мĕн пĕлет? Ыйту хуравне шыраса Шупашкарти хула урамне тухрăмăр.
«Ача-пăча ту хăвна савăнма. Умна саппун çак куççульна шăлма», – тесе каланине илтме тивет хăш-пĕр ашшĕ-амăшĕнчен. Ача-пăча куççуль тăктармасси, савăнăç кÿресси ывăл-хĕр мĕнле çемьере ÿснинчен килет. Çапла шухăшлать Республикăн наркологи диспансерĕн психиатр-наркологĕ Лидия Григорьева.
«Ачасем – çемье тĕкĕрĕ. Вĕсем пирĕн йăла-йĕркене, эпир хамăра мĕнле тытнине курса ÿсеççĕ. Ача умĕнче сиксе тухнă ыйтăва унăн ашшĕ-амăшĕпе ĕçлемесĕр татса пама май çук», – тет ачасемпе ашшĕ- амăшĕ хушшинчи ыйтусемпе ĕçлекен пуян опытлă врач.
Чăвашла верси
Русская версия
