Кăвар чĕреллĕ Çеçпĕл Мишши 1899 çулхи чÿк уйăхĕн 16-мĕшĕнче килнĕ çак тĕнчене. Çапах юлашки çулсенче сăвăç çуралнине эрнекун паллă тăвассине йăлана кĕртрĕмĕр. Кăçал та унăн палăкĕ умне чÿк уйăхĕн 13-мĕшĕнчех пуçтарăнтăмăр. Ку мероприятие яланах пĕр çынсем хутшăнни çинчен çырма кирлех-ши?
Латвири Елгава хулинче вара çак кунсенче хĕллехи ишев енĕпе Тĕнче кубокĕн I тапхăрне пĕтĕмлетнĕ. Унта Шупашкар аквайс-ишевçи Татьяна Александрова та хутшăннă.
Ентешĕмĕр 450 метр марафон дистанцине пĕрремĕш парăнтарнă. 50 метра вара виççĕмĕш ишсе тухнă.
Ăмăртăва пĕтĕмпе 18 çĕршывран 250 спортсмен хутшăннă. Кубокăн ытти тапхăрĕсем Британире, Швецире, Эстонире тата Раççейре /Тюмень/ иртĕç.
Татьяна НАУМОВА.
Çак кунсенче Португалире Европăн спорт аэробики енĕпе иртнĕ чемпионачĕ вĕçленнĕ. Раççей пĕрлештернĕ команди йышĕнче республикăри олимп резервĕсен 6-мĕш шкулĕн воспитанникĕ Алексей Германов та пулнă.
Наци пĕрлештернĕ командин йышĕнче вăл икĕ ылтăна тивĕçме пултарнă. Раççей каччисем «Ташă гимнастики» тата «Гимнастика платформи» дисциплинăсенче уйрăмах пысăк хака тивĕçнĕ.
Чăваш Республикинче кальян туртассине хирĕç уйăхлăх пуçланчĕ. Çак эрнере ЧР Сывлăх сыхлав министерствинче мероприятисен планне тишкерчĕç. Чиновниксемпе общество организацийĕсен членĕсем усал йăлапа кĕрешес ĕçе вăйлатасшăн.
Юлашки çулсенче табак йышне кĕмен хутăш туртасси сарăлчĕ. Çакна саккун хирĕçлемест. Çавна май уйрăмах çамрăксем ресторанта, кафере, кану ытти вырăнĕнче кальян туртма пуçларĕç. Çакă, шел те, модăна кĕчĕ.
Чăваш Ен Пуçлăхĕ Михаил Игнатьев ертсе пынипе Правительство çуртĕнче «Чăваш Республикин 2015 çулхи республика бюджетне пайăрлатассин тĕп виçисем çинчен» ыйту
Анчах ăна тирпейлеме укçа çителĕклех мар имĕш
Чăваш Ен Пуçлăхĕ Михаил Игнатьев кĕпĕрнаттăрсен кăçалхи авăн-юпа уйăхĕсенчи "Наци рейтингĕнче" /информаци коммуникацийĕсен "Рейтинг" центрĕ хатĕрленĕ/ 20-мĕш вырăн йышăннă. Иртнĕ тĕпчеврипе танлаштарсан унăн позицийĕ 1 пункт лайăхланнă.
Михаил Игнатьев рейтингăн пĕрремĕш ушкăнне /1-25-мĕш вырăнсем/ кĕнĕ. Федерацин Атăлçи округĕнчи субћектсен ертÿçисен хушшинче Чăваш Ен Пуçлăхĕ 3-мĕш вырăн йышăннă, ун умĕнче - Пушкăртстан тата Тутарстан республикисен ертÿçисем Рустэм Хамитов тата Рустам Минниханов.
Раççей Президенчĕ Владимир Путин РФ Патшалăх Канашĕн консультаци комиссийĕн çĕнĕ йышне çирĕплетнĕ. Патшалăх ертÿçин хушăвĕпе килĕшÿллĕн унта çĕршыв субъекчĕсен 20 ертÿçине кĕртнĕ.
Палăртни вырăнлă: комисси йышĕнче федерацин Атăлçи округĕнчи регионсен икĕ лидерĕ кăна. Михаил Игнатьевсăр пуçне консультаци органĕнче пирĕн округран тата Тутарстан Республикин президенчĕ Рустам Минниханов ĕçлет.
Паянхи полици шăпах çак ăнлавсене сăнарлать. Ку сăмахсене республика Пуçлăхĕ Михаил Игнатьев чÿк уйăхĕн 10-мĕшĕнче Оперăпа балет театрĕнче пакунлă çынсене Шалти ĕçсен органĕсен ĕçченĕн кунĕ ячĕпе саламланă май каларĕ.
Шупашкарта ЧР Наци библиотекинче хурт-хăмăр ăстисен пĕрремĕш съезчĕ иртрĕ. Вĕлле хурчĕсене пăхмалли ĕç хатĕрĕсене, пылак çимĕç туса илмелли ăсталăхпа паллаштаракан кĕнекесем, хаçат-журнал куртăмăр, тĕрлĕ пыл тутанса пăхрăмăр.
Форума 150 ытла ăста хутшăнчĕ. Çав шутра Тутарстанран, Мари Элран, Чĕмпĕрпе Чулхула облаçĕсенчен килнĕ. Хурт-хăмăр ĕрчетес ĕç пĕрлĕхĕн членĕсем Н.П.Пирожков, А.И.Федоров, И.М.Федоров, Д.П.Лобастов с<езд тĕллевĕсемпе паллаштарчĕç.
Чăвашла верси
Русская версия
