Чăвашла верси
Русская версия
16 Ака, 2014
Новости по теме
16 Ака, 2014
Çамрăк ăславçă çитĕнĕвĕ
Шупашкарти 62-мĕш шкулта 8А класра вĕренекен Максим Смирнов Мускаври изобретенисемпе инноваци технологийĕсен «Архимед-2014» салонĕнче хăйĕн икĕ ĕçĕпе - «Инвалидсем валли транспорт хатĕрĕ» тата «Пÿлĕмре куçса çÿремелли транспорт хатĕрĕ» проектсемпе - паллаштарнă.
16 Ака, 2014
«Хĕлхем» çĕнтернĕ
Нумаях пулмасть Канаш районĕнчи Асхва ял тăрăхĕнчи Культурăпа библиотека аталанăвĕн центрĕнче ачасемпе çамрăксен районти «Юмах çăл куçĕ» фестивалĕ иртнĕ. Унта 13 ял тăрăхĕнчи коллектив хутшăннă.
16 Ака, 2014
Вăлах - сăвăç, повар, зоотехник...
Елчĕк районĕнчи ял тăрăхĕсен хушшинчи тĕп библиотекăра Елена Хĕвелпи поэтесса хăнара пулнă.
Елена Васильевна Барская /Блинова/ çак районти Аслă Таяпа ялĕнче çуралнă. Унăн пултарулăхĕ, пурнăç çулĕ, общество ĕçĕ нумай енлĕ, кăсăклă. Тĕрлĕ професси - воспитатель, повар, зоотехник, радиотелефонист тата ытти те - алла илнĕ вăл. Ачаранах ал ĕçĕ тума тата сăвă çырма ăста.
16 Ака, 2014
Куравçăсем килĕштерекен уяв
Чăваш Енре Культура çулталăкĕ вăй илсе пырать. Çак юхăм Чăваш патшалăх оперăпа балет театрĕнче те палăрать. Юлашки вăхăтра çеç кунта чылай мероприяти иртнĕ.
Çывăх вăхăтра пурнăçа кĕмелли - Пĕтĕм тĕнчери балет фестивалĕ. Вун саккăрмĕш хут иртĕ /ака уйăхĕн 22-26-мĕшĕсенче/ вăл кăçал.
16 Ака, 2014
Вулавăшра - кĕвĕ-çемĕ сехечĕ
Тĕп хулари 3-мĕш музыка шкулĕнче ĕçлекенсем Культура çулталăкĕнче хастарлăха ÿстерни куç умĕнчех. Мероприятисем çине-çинех иртеççĕ.
16 Ака, 2014
Акатуй - Хĕрлĕ лапамра
Çак кунсенче Чăваш Республикин культура министрĕ Вадим Ефимов тата Чăваш наци конгресĕн президенчĕ Николай Угаслов Шупашкарта Пĕтĕм чăвашсен уявне - Акатуйне - хатĕрленсе ирттерес ыйтупа ĕçлекенсемпе тĕл пулнă.
15 Ака, 2014
Сывă çын чунпа çирĕп
Етĕрне районĕнче урă пурнăç йĕркине çирĕплетес ыйтупа ял тăрăхĕсен ертÿçисен, сиплев тата суту-илÿ тытăмĕнче ĕçлекенсен канашлăвĕ иртнĕ. Эрех-сăра сутмалли йĕркене пăхăнман лавккасем пирки çирĕпрех мерăсем йышăнма тивет. Вĕсене хупасси çинчен сăмах пымасть кунта, пурте саккуна пăхăнса пурăнччăр. Халăхра ăнлантару ĕçне вăйлатассипе вырăнти пуçлăхсем хăйсем тĕслĕх кăтарма тивĕç, палăртрĕ район ертÿçи Владимир Кузьмин. Район ĕçĕ-хĕлĕ çинчен «Хыпар» тата «Хресчен Сасси» хаçатсен çĕнĕ номерĕсенче вуласа пĕлĕр.
15 Ака, 2014
Карта выльăх карта сыхлать
Харăсах темиçе кредит тÿлеççĕ вĕсем. Кил умĕнче ларакан техникăна пĕтĕмпех выльăх-чĕрлĕх ÿстерсе тата кредит укçипе туяннă. Картиш тулли ĕне выльăх. Тин пăруланинчен пуçласа аш валли ÿссе çитĕнни таранах. Пурне те пăхмалла, пурне те апатлантармалла. Кил хуçисем мĕнлерех вĕтĕленнине курсан вĕсем выльăхсемшĕн кăна пурăннă пек те туйăнса каять. Сăмахăм Етĕрне районĕнчи Мăн Сĕнтĕр ялĕнче пурăнакан Константин ФИЛИППОВ фермер хуçалăхĕ пирки.
15 Ака, 2014
Тĕллеве пурнăçа кĕртет
Хĕрлĕ Чутай районĕнчи Николай Лисаев фермер хуçалăхĕ çурхи акана тухас умĕн техника паркне çĕнĕ агрегатсемпе пуянлатнă. Иртнĕ кунсенче кунта МТЗ-892 тата МТЗ-892.2 йышши икĕ трактор, сеялка тата культиватор туяннă.
Фермер хăйĕн хуçалăхне аталантарас тĕллевпе чăх чĕпписене ÿстермелли цех тăвать. Строительство ĕçĕсем вĕçленсен унта пĕр талăкри чĕпсене 30 пин пуç илсе килесшĕн.
