И.Н.Ульянов ячĕллĕ Чăваш патшалăх университетĕнчи Алексей Кокель ячĕллĕ ÿнер музейĕнче "çавра сĕтел" иртнĕ. Ăна Пĕтĕм тĕнчери çамрăксемпе студентсен XIX фестивальне Чăваш Енрен кайма хатĕрленекен хастарсене халалласа ирттернĕ. "Çавра сĕтеле" Чăваш Республикин Пуçлăхĕ Михаил Игнатьев та, РФ Патшалăх Думин депутачĕ Алена Аршинова та хутшăннă.
Чăваш пикисен республикăри пĕртен-пĕр хаçачĕ тухма пуçланăранпа кăрлачăн 30-мĕшĕнче 20 çул çитрĕ.
“Спорт сывлăха çирĕплетет, пурăнма хавхалантарать, çав вăхăтрах вăл — усăллă кану та. Çамрăксене сывă пурнăç йĕркине пăхăнмашкăн ачаран хăнăхтармалла”, — тенĕ РФ Президенчĕ Владимир Путин.
Федерацин 2016-2020 çулсенче вĕрентĕве аталантармалли тĕллевлĕ программине пурнăçлама Чăваш Ен федераци бюджетĕнчен субсиди шучĕпе 104 миллион тенкĕ ытла илĕ.
Анчах çĕр инженерĕсен пурнăçĕ лайăхланни ĕçе усă кÿмест
«Юрмана» сутасси пирки маларахах сас-хура тухнăччĕ-ха, ĕнер вара «заводсен, хаçатсен тата пăрахутсен хуçи» Владимир Ермолаев хăйĕн агробизнесне сутассине республика Пуçлăхĕ Михаил Игнатьев çирĕплетрĕ. Паллах, ЧР Пуçлăхĕ çумĕнчи Инвестици климатне лайăхлатас енĕпе ĕçлекен канаш ларăвĕн кун йĕркине урăх ыйтусене кĕртнĕ, çапах зала пухăннисенчен чылайăшĕшĕн шăпах çакă тĕп хыпар пулчĕ-тĕр.
Кăрлачăн 28-мĕшĕнче Чăваш Ен Пуçлăхĕ Михаил Игнатьев Шупашкарти 5-мĕш гимнази 10 çул тултарнине халалланă мероприятие хутшăннă.
Регион ертÿçи педагогсене, гимназистсене тата вĕсен ашшĕ-амăшне паллă кун ячĕпе саламланă, ачасене хулана, республикăна, çĕршыва юратма суннă. «Эпир сирĕнпе пĕр команда пулса пĕрлехи тĕллевшĕн ĕçлетпĕр, Чăваш Енри мĕнпур ача лайăх пĕлÿ илме, хăйсен майĕсемпе туллин усă курма пултартăр тесе тăрăшатпăр», — тенĕ вăл.
Шăматкун ЧР Пуçлăхĕ Михаил Игнатьев Чăваш патшалăх академи драма театрĕнче «Яхтинг» ООО ĕçченĕсене предприятин 25 çулхи юбилейĕ ячĕпе саламланă.
Чăваш Республики «Шупашкар хулинчи йăлари хытă каяшсен санкциленĕ çÿп-çап вырăнне рекультивацилесси» проекта пурнăçа кĕртмешкĕн мĕнле хатĕрленет — шăпах çак ыйту тĕп вырăнта пулчĕ республика Пуçлăхĕ Михаил Игнатьев ĕç тăвакан влаç органĕсен тата федераци ведомствисен территори тытăмĕсен ертÿçисемпе тунтикун ирттернĕ черетлĕ канашлура.
Республика Пуçлăхĕ Михаил Игнатьев Европăри Чĕркуççи хирургийĕн ассоциацийĕн тата Спорт травматологийĕн ассоциацийĕн секци председателĕпе Ролнад Бекерпа, çак секци вице-председателĕпе Нанне Коптпа тата Федерацин травматологи центрĕн тĕп врачĕпе Николай Николаевпа ирттернĕ ĕçлĕ тĕлпулура пациентсене травматологипе ортопеди пулăшăвĕ парассин пахалăхне лайăхлатас ыйтусене сÿтсе явнă. Ролнад Бекер палăртнă тăрăх, Шупашкарти травматоло- ги центрне Европăра лайăх пĕлеççĕ: «Клиника шайне курса тĕлĕнтĕм. Унти операцисен шучĕ пĕрлехи тĕпчевсем ирттер- ме май парать».
Раççей промышленноçпа суту-илÿ министрĕ Денис Мантуров паян Шупашкарта хăй ертсе пыракан министерствăн Промышленноç енĕпе ĕçлекен координаци канашĕн ларăвне ирттерчĕ. Ку хутĕнче ăна çĕршывăн апат-çимĕç машиностроенийĕн аталанăвĕн ыйтăвĕсене халалларĕç.
Чăвашла верси
Русская версия
