Новости по теме

19 Нарăс, 2016

Улатăрсем пĕлтĕрхи ĕçсене пĕтĕмлетрĕç

Нарăсăн 18-мĕшĕнче республика Пуçлăхĕ Михаил Игнатьев Улатăр хулипе районĕнче пулчĕ. Малтанах вăл «Электроавтомат» обществăн ĕç-хĕлĕпе паллашрĕ. Улатăр хулин социаллă пурнăçĕпе экономикăн пĕлтĕрхи аталанăвĕн пĕтĕмлетĕвĕпе кăçалхи тĕллевĕсене сÿтсе явма хутшăнчĕ. Çакăн хыççăн Октябрьски ял тăрăхĕн культура çуртне çитрĕ. Унта район депутачĕсен Пухăвĕн депутачĕсем, ял тăрăхĕсен администрацийĕсен пуçлăхĕсем пуçтарăнчĕç.

Улатăр
18 Нарăс, 2016

«Çĕнĕ ятсем уçатпăр»

Чăваш Республикин Култьтура министерстви, Чăваш Рес-публикикинчи профессионал çыравçăсен пĕрлешĕвĕ тата Чăваш Республикин ачасемпе çамрăксен библиотеки çамрăк çыравçăсен
«Çĕнĕ ятсем уçатпăр»
конкурсне йĕркелет.

Культура
Çамрăксем
18 Нарăс, 2016

Телеканалти проекта хутшăннă

Чăваш Енĕн маттур та пултаруллă çамрăкĕсем çĕршыв, тĕнче шайĕнче палăраççĕ. Çĕрпÿ хĕрĕ Мая Егорова Пĕрремĕш каналпа кăтартакан «Голос. Дети» проекта хутшăннă.

Асăннă проектăн 3-мĕш сезонĕ çак шăматкун, нарăс уйăхĕн 20-мĕшĕнче, старт илĕ. 6 çултанпах музыкăпа интересленекен Мая унта икĕ хут лекме хăтланнă, анчах виççĕмĕшĕнче кăна ăннă ăна. Вăл жюри членĕсен умĕнче Ани Лорак юрăçăн репертуарĕнчи пĕр юрра шăрантарнă. 14 çулти хĕрача проектра пĕр-пĕр наставник патне лекнĕ-и? Ку вăрттăнлăхра.

Çамрăксем
18 Нарăс, 2016

Саккун проектне ырламан

Пĕлтĕр Раççейре 21 çула çитмен яшсемпе хĕрсене алкоголь продукцине сутма чарас ыйтăва çĕкленĕччĕ. Чылайăшĕ çак саккуна йышăнма сĕннĕ. Халĕ РФ Правительствинче ку ыйту тĕлĕшпе пăнчă лартнă: вăл вăя кĕмĕ.

Пулса иртни
18 Нарăс, 2016

Конкурса хутшăнар

Пĕтĕм Раççейри ял хуçалăх çыравĕ умĕн /вăл 2016 çулхи утă уйăхĕн 1 - çурла уйăхĕн 15-мĕшĕсенче иртĕ/профессионалсен тата сăн ÿкерме юратакансен «Манăн Раççей» конкурсĕ иртет. Унăн тĕллевĕ - Раççей ялĕ мĕнле пурăннине, йăли-йĕркине, çитĕнĕвне, ял хуçалăхĕн лайăх енĕсене кăтартасси.

2015 çулхи утă уйăхĕнчен пуçласа паянхи кунччен çĕршывăн тĕрлĕ кĕтесĕнчен конкурса 300 ытла ÿкерчĕк ярса панă. Киров, Самар, Владимир облаçĕсенче, Чăваш Енре, Алтай крайĕнче пурăнакансем уйрăмах хастар пулни курăнать.

Ял хуçалăхĕ
Çырав - 2016
18 Нарăс, 2016

Çур акине - çăмăллатнă кредит

Раççей ял хуçалăх банкĕн Чăваш Енри филиалĕнче умри ака-сухана кредитлассипе ятарлă координаци штабĕ ĕçлеме пуçланă. Унăн тĕллевĕ - сезонри ĕç-хĕле вăхăтра финанслассине тивĕçтересси.

«Раççей ял хуçалăх банкĕ» акционерсен пĕрлешĕвĕн Чăваш Енри филиалĕн директорĕ Ирина Письменская каланă тăрăх - кредит илессине ансатлатма çурхи уй-хир ĕçĕсем валли тăратнă заявкăсене пĕрремĕш черетпе пăхаççĕ. Сезон ĕçĕсене ирттерме паракан кредитсен списокне сарнă, салук хывассине çăмăллатнă.

Ял хуçалăхĕ
Экономика
17 Нарăс, 2016

Студотрядсен хастарĕсем ĕçрен хăрамаççĕ

Нарăс уйăхĕн 17-мĕшĕнче Раççейри студотрядсен кунне уявланă май ЧР Правительство çуртĕнче Чăваш Енри студотрядсен хастарĕсемпе "çавра сĕтел" иртрĕ. Унта республика Пуçлăхĕ Михаил Игнатьев хутшăнчĕ.

Вĕрентÿ
17 Нарăс, 2016

Пуласлăх - çамрăксенче

Ыранхи кун паян пуçланать. Çакна асра тытса пурăнаççĕ тата ĕçлеççĕ Вăрнарсем. Паян Вăрнар районĕ лайăх аталанса пыракансен йышĕнче. Урăхла пулма та пултараймасть. Ăна, республика варринче вырнаçнăскере, Чăваш Ен "чĕри" теме те пулать. Апла-тăк унăн яваплăрах, курăмлăрах, вăйлăрах пулмалла.

Ял хуçалăхĕ

Pages

Хыпарсем