Вăрнар районĕнчи 11 тăлăха хваттер уççисем панă. Уява район администрацийĕн пуçлăхĕ Леонид Николаев та хутшăннă, çак ятпа ентешĕсене саламланă. Вăрнарти Ленин урамĕнчи 45-мĕш çурта /вĕсем шăпах çакăнта пурăнма пуçлĕç/ çулталăкра çĕкленĕ. Строительсем хăйсен ĕçне тивĕçлипе пурнăçланă. Сăмах май, иртнĕ çул Вăрнар поселокĕнче 30 тăлăха çĕнĕ хваттерпе тивĕçтернĕ.
Сентябрĕн 27-мĕшне Раççейре чупу кунĕ тесе палăртнă. Çакна кура çĕршывра пурăнакансем яланхиллех «Наци кросне» старта тухĕç. Унта Раççейĕн тĕрлĕ кĕтесĕнче тĕрлĕ ÿсĕмри çĕршер, пиншер çын хутшăнать.
Спорта, физкультурăна юратакан Чăваш Ен çыннисем те «Наци кросне» тăрăшсах хатĕрленеççĕ. Республикăра кăçалхипе вăл вуниккĕмĕш хут иртет. Пĕлтĕр унта пĕтĕмпе чупма кăмăллакан 59,5 пине яхăн çын хутшăннă. Кăçал та çакăнтан сахал пулмалла мар.
Кÿкеçри «Бичурин тата хальхи самана» музей Никита Яковлевич ячĕпе çулсерен ятарлă вулав ирттерет. Ăна кăçалхипе виççĕмĕш хут йĕркеленĕ, паллă ăсчах çуралнăранпа 238 çул çитнине халалланă. Сумлă мероприятие аякри чăвашсем те - Тюмень облаçĕнчен - хутшăннă. Çакна палăртма кăмăллă: Тюменьри чăвашсен «Тăван» ассоциацийĕ Иакинф Бичурина халалласа Тобольск хулинче асăну хăми вырнаçтарасшăн.
ЧНК президиумĕн черетлĕ ларăвĕнче Геннадий Волков ăсчахăн палăкне Беларуç çĕршывĕнчен илсе килсе вырнаçтарас ыйтăва пăхса тухнă. Палăка туса çитерме тепĕр 200 пин тенкĕ кирлĕ. Николай Угаслов президент хăй шутĕнчен 100 пин тенкĕ парассине пĕлтернĕ. Ыттисем те укçа тĕлĕшпе пулăшма шантарнă. Палăка хатĕрлесе çитерме Шупашкар хулин пуçлăхĕ Леонид Черкесов çирĕп ыйту тăратнă.
Ангела Меркель ялхуçалăхне пĕтерет тесе шухăшлаççĕ нимĕç фермерĕсем.
Великобританире кăçал кишĕр палăрмалла вĕтелнĕ, тымарçимĕç кĕске те çинçе çитĕннĕ.
Британири çуллахи сулхăн çанталăк çĕр ĕçченĕсене тĕлĕнтернĕ - кунта кишĕр типме тытăннă. Унăн вăтам виçи паян икĕ унций ?пĕр унций 28,349 грампа танлашать% вырăнне пĕрре çурăпа кăна танлашнă. Кишĕр хакĕ те йÿнелнĕ, пĕр килограмшăн 90 пенсо кăна параççĕ. Пĕлтĕр 97 пенсо пулнă.
Европăри сад ăстисем кăçал иртнĕ çулхинчен сахалрах панулми пуçтараççĕ.
Грушăпа панулми ÿстерекенсен пĕтĕм тĕнчери ассоциацийĕн кăтартăвĕпе Евросоюз сачĕсенче 2015 çулта 11,9 млн тонна панулми пуçтарса илмелле. Ку пĕлтĕрхинчен 6 процента яхăн сахалрах. Венгрире, Германире тата Бельгире панулми уйрăмах сахал пулĕ. Италире тухăç иртнĕ çулхинчен 5 процента яхăн пĕчĕкрех. Çав вăхăтра панулмипе тивĕçтерекен икĕ пысăк çĕршывра лару-тăру йĕркеллех. Тĕслĕхрен, Польшăра тухăç пĕлтĕрхи шайрах юлмалла. Францире вăл 10 процент ÿсмелле.
Сентябрĕн 17-мĕшĕнче Сочи хулинче Раççей Президенчĕ Владимир Путин Раççей Федерацийĕн 22 суб<екчĕн сентябрĕн 13-мĕшĕнче пĕрлехи сасăлав кунĕнче суйланă ертÿçисемпе курнăçнă. Унта суйлав кампанийĕн кăтартăвĕсене тата Раççей регионĕсене аталантарассипе çыхăннă малашнехи ĕç планĕсене сÿтсе явнă.
Сентябрĕн 16-17-мĕшĕсенче Чăваш Ен Пуçлăхĕн тивĕçĕсене вăхăтлăх пурнăçлакан Михаил Игнатьев Мускавра командировкăра пулнă. Тĕп хулара вăл официаллă мероприятисене хутшăннă, ĕçлĕ тĕлпулусем ирттернĕ.
Тăвай районĕнче те хĕрарăм суд тенкелĕ çине ларнă. Чăн та, ку тĕслĕхре ăна уголовлă йĕркепе айăпланмашкăн упăшкин пулăшăвĕ кирлĕ пулман - хăй те «маттур»...
Кăçалхи июлĕн 14-мĕшĕнче 42 çулти Валентина Иольева, ÿсĕрскер, хăйĕн пĕлĕшĕн килне кĕнĕ, унта кил хуçин тепĕр хăнипе, хĕрпе, харкашу пуçарнă. Киревсĕр сăмахсем каланине кура хĕр полицие шăнкăравланă.
Чăвашла верси
Русская версия
