Ĕç тăвакан влаç органĕсен тата муниципалитетсен ертÿçисемпе паян ирттернĕ планеркăра Тарифсен ÿсĕмĕ пирки Патшалăх тариф службин ертÿçи Марина Кадилова каласа пачĕ. Кăçал ÿсĕм икĕ тапхăрпа пулать — кăрлачăн 1-мĕшĕнчен тата утă уйăхĕн 1-мĕшĕнчен. Ку енĕпе чи пысăк процентсене çирĕплетнĕ ĕнтĕ: Çĕнĕ çултан — 1,7, çулла — 4% таран, унтан ытла пысăкланмалла мар.
ЧР Министрсен Кабинечĕн 2018 çулхи раштав уйăхĕн 12-мĕшĕнчи 512-мĕш йышăнăвĕпе 2019 çулхи кăрлач уйăхĕн 1-мĕшĕнчен хушма хакран тытакан налук НДС ставки улшăннă май халăха парса тăракан çут çанталăк газĕн сутлăх хакне çĕнĕрен çирĕплетнĕ. Унпа республикăн конкуренци политикин тата тарифсен службин ертÿçи Марина Витальевна Кадилова паллаштарать.
ЧР Юстици министерстви пĕлтернĕ тăрăх, Чăваш Республикинче капиталлă строительство объекчĕсемпе промышленноç çĕрĕсен патшалăх кадастр хакне тÿрлетес 2-мĕш тапхăр пырать.
Аса илтеретпĕр, 2018 çулта республикăра 764 пин капиталлă строительство объекчĕпе 135 пин ытла промышленноç лапамĕ çинчи çĕрсен кадастр хакне çирĕплетнĕ.
Министрсен Кабинечĕн юнкун ЧР Пуçлăхĕ Михаил Игнатьев ертсе пынипе иртнĕ ларăвĕнче çакăн пирки Тариф службин ертÿçи Марина Кадилова пĕлтерчĕ.
Халăх усă куракан çут çанталăк газĕн пĕр кубла метрĕн хакĕ утă уйăхĕн 1-мĕшĕнчен тытăнса 5,53 тенкĕпе танлашĕ — 16 пус /3%/ хушăнать. Михаил Игнатьев газ, ытти ресурс тарифĕсем хăпарнине кура халăха коммуналлă пулăшу ĕçĕсемшĕн субсиди тÿлемелли йĕрке малашне те вăйра пулассине çирĕплетрĕ — сахал тупăшлă çемьесемшĕн çакă курăмлă тĕрев пулĕ.
Чăвашла верси
Русская версия
