ларусем

13 Jun, 2018 | Сывлăх | ларусем

Министрсен Кабинечĕн паян ЧР Пуçлăхĕ Михаил Игнатьев ертсе пынипе иртнĕ ларăвĕнче сывлăх теми тĕп вырăнта пулчĕ. Правительство членĕсем патшалăхăн республикăра пурăнакансен сывлăхĕ çинчен калакан докладне тишкерсе ырларĕç.
Сывлăх сыхлавĕн министрĕ Владимир Викторов Раççей Президенчĕ Владимир Путин 2024 çулччен пурнăçлама палăртнă тĕллеве аса илтерчĕ: çынсен пурнăçĕн вăтам тăршшĕне 78 çула çитермелле. 2030 çул тĕлне вара Раççей çак кăтарту «80 плюспа» танлашкан çĕршывсен ретне тăма тивĕç.

Министрсен Кабинечĕн юнкун ЧР Пуçлăхĕ Михаил Игнатьев ертсе пынипе иртнĕ ларăвĕнче çакăн пирки Тариф службин ертÿçи Марина Кадилова пĕлтерчĕ.

Халăх усă куракан çут çанталăк газĕн пĕр кубла метрĕн хакĕ утă уйăхĕн 1-мĕшĕнчен тытăнса 5,53 тенкĕпе танлашĕ — 16 пус /3%/ хушăнать. Михаил Игнатьев газ, ытти ресурс тарифĕсем хăпарнине кура халăха коммуналлă пулăшу ĕçĕсемшĕн субсиди тÿлемелли йĕрке малашне те вăйра пулассине çирĕплетрĕ — сахал тупăшлă çемьесемшĕн çакă курăмлă тĕрев пулĕ.
 

Паян Чăваш Ен Пуçлăхĕ Михаил Игнатьев Чăваш Республикинче промышленноç продукцийĕн саккунсăр çаврăнăшĕпе кĕрешекен комисси ларăвне ирттерчĕ. Пухăннисем ял хуçалăх таварĕсен пахалăхне сăнаса тăрассипе, суя акоголь продукцийĕпе, эмелсемпе тата санкцие лекнĕ таварсемпе кĕрешессипе çыхăннă ыйтусене пăхса тухрĕç.

Министрсен Кабинечĕн паян иртнĕ ларăвĕнче республикăн кăçалхи бюджетне пĕрремĕш кварталта мĕнле пурнăçланипе вице-премьер — финанс министрĕ Светлана Енилина паллаштарчĕ. Пĕтĕмпех йĕркеллĕ темелле — бюджет тупăшĕ пĕлтĕрхинчен пысăкрах. Усламран илекен налук калăпăшĕ пушшех ÿсĕмлĕ. Хыснана укçа ытларах кĕнине Светлана Александровна налук органĕсем тĕрĕслевсем ирттернĕ май хăшĕсем пытарса хăварнă налуксене тупнине те асăнчĕ.

Pages

Subscribe to ларусем