Сăмах парăр-ха

Асăрхарăр-и, асăрхамарăр-и, анчах та сисмесĕрех кун вăрăмланма тытăнчĕ авă. Хĕлле вăл çерçи сăмси вăрăмăш кăначчĕ. Тĕттĕмре тухса каяттăмăр килтен, тĕттĕмрех таврăнаттăмăр. Халĕ акă сехет йĕпписем ĕç вăхăчĕ вĕçленнине кăтартма пуçланă тĕле те тавралăха каç чатăрĕ пачах хупласа лартмасть. Ку та тарама-ха, чи кирли, кĕçех хĕл йĕме пуçлĕ те çут çанталăк чĕрĕлме тапранĕ. Тĕрĕссипе, хĕл куçĕ кăçал типме те пĕлмерĕ тейĕн. Çурт тăрринчен тумла юхать, урамра кÿлленчĕк атă-пушмака «кăшлать». Хĕл сиввипе, тарăн кĕртпе киленме хăнăхнисен кăмăлĕ тулмарĕ, ахăртнех, кăçал.

Çул çитмен тапхăр — ача çитĕннĕ çын ÿсĕмне кĕме хатĕрленнĕ вăхăт. Кĕлетке аталаннă май физиологи улшăнăвĕсем пулса иртнисĕр пуçне кăмăл-талай, психологи тытăмĕ та расналанать. Ахальтен мар 13-14 çула çитнĕ пепкисен тĕлĕшпе тимлĕ пулмалли çинчен ашшĕ-амăшне шкулти психолог та аса илтерсех тăрать. Ача тыткаларăшĕ малтанхипе пĕр килменнине чăтса ирттерме пултарĕç-ха çывăх çыннисем, анчах çул çитмен çамрăк психикăна хастарлатакан япаласемпе тăруках çыхланас тăк... Аслă ÿсĕмрисем ăна çак усалран хăтармашкăн витĕм кÿме пултарĕç-и?

Çитес эрнере, раштав уйăхĕн 2-6-мĕшĕсенче, Пĕтĕм чăвашсен «Асам» кинофестивалĕ пуçланать. Ăна республикăра 4-мĕш хут йĕркелеççĕ. Чăваш кинофильмĕсене пуçласа ÿкерекенĕн Иоаким Максимов- Кошкинскин ĕçне тăсакансен йышĕ çуллен пысăкланса пыни мĕнешкел пархатарлă. Ят çĕнсе илнĕ тата çĕнĕ авторсен фильмĕсене тÿлевсĕр курма, хак пама май пурри кураканшăн уйрăмах пĕлтерĕшлĕ.

Выртан каска мăкалнă теççĕ. Те çав халех мăкалас мар туйăм хăвалать — таçта та çитсе темĕн те курас килет. Раççей тĕп хулине çула пуçтарăннă чух нимех те курса тĕлĕнме шухăшламан паллах. Ара, пурте пĕр çĕршыврах пурăнатпăр, саккунĕсем те пĕрех. Уйрăмлăхĕ те — шалура кăна. Анчах та унта та ăна пурте кĕреçепе хырмаççĕ. Топ шайĕнчи менеджерсен ĕç укçи вара тахçанах — вăрттăнлăх мар. Çав шутра — вĕсем çав пукансене мĕнле майпа йышăнни те.

Пĕлĕшĕмсем çĕнĕ хваттере куçма хатĕрленеççĕ. Эпир япаласем пуçтарма вĕсемпе пĕрлех картон курупкасем шыратпăр. Усă курнăскерсене тĕрлĕ тавар сутакан вырăнтан ахалех ыйтса илессĕн туйăнать. Çапах вĕсене пур лавккара та йăпăр-япăр парса ярасшăнах мар. Апла пулин те пирĕн тĕле ырă кăмăллă сутуçăсем лекрĕç: пĕр çыхă картон курупка тыттарчĕç. Эпир, ĕç ăннăшăн савăннăскерсем, хваттере васкатпăр. Унччен те пулмарĕ, пĕлĕшĕн кÿрши килĕнчен тухса пирĕн еннелле сиввĕн пăхрĕ. «Выçса вилсен те картон курупка пуçтарса çÿреместĕпех», — пурте илтмелле юриех хыттăн каларĕ вăл.

Pages

Subscribe to Сăмах парăр-ха