Архив - Сен 2014

сентября 30th

Профвĕренÿ аталанăвĕ экономикăна хăват кÿрет

Авăн уйăхĕн 26-мĕшĕнче Чăваш Ен Пуçлăхĕ Михаил Игнатьев Округ канашĕн Оренбургра РФ Президенчĕн федерацин Атăлçи округĕнчи полномочиллĕ представителĕ Михаил Бабич ертсе пынипе иртнĕ ларăвне хутшăнни çинчен хаçатăн шăмат кунхи номерĕнче пĕлтернĕччĕ.

В.Маяковский ячĕллĕ хула библиотекинче "Классикăна вулатпăр" акци старт илнĕ. Çавна май вулав çуртне республикăри паллă çыравçăсемпе артистсене йыхравлаççĕ.

Çак ятпа Вăрмар тăрăхĕнче çемье форумĕ иртнĕ. Район администрацийĕпе тĕп библиотека ĕçченĕсем 50 çул пĕрле пурăнакан хисеплĕ мăшăрсемпе çамрăк çемьесене пĕрле пухнă.

Авăн уйăхĕн 27-мĕшĕнче Шупашкарти «Николаевский суту-илÿ комплексĕнче «Сĕт фестивалĕ-2014» иртнĕ. Унта республика Пуçлăхĕ Михаил Игнатьев, Министрсен Кабинечĕн Председателĕн çумĕ - ял хуçалăх министрĕ Сергей Павлов, РФ сĕт туса илекенсен наци пĕрлĕхĕн правленийĕн председателĕ Андрей Даниленко хутшăннă.

70 пин ытла çын ГТО нормативĕсене пурнăçланă

Шăмат кун Шупашкарта пурăнакан пин-пин çын стадионсемпе лапамсене тухнă: хулара "Ĕçпе хÿтĕлеве хатĕр" фестиваль иртнĕ.

Умра - çĕр-шыв историйĕнче паллă, манăçми йĕр хăварнă Аслă Çĕнтерĕвĕн 70 çулхи юбилейĕ. Республикăри йĕркелÿ комитечĕ ăна çÿллĕ шайра ирттерме тĕплĕ хатĕрленет.

Чăваш Республикин Министрсен Кабинечĕн Председателĕ Иван Моторин ертсе пынă ларура совет салтакĕн Тăван çĕр-шывăн Аслă вăрçинчи вилĕмсĕр паттăрлăхне çамрăк ăрусем яланах асра тытса пурăнччăр тесе тăвас тĕллевпе информаципе пропаганда мероприятийĕсен планне тишкерсе тухса çирĕплетнĕ, кăçал патриот тематикипе ирттернĕ ĕç-хĕле пĕтĕмлетнĕ.

Страницы