Archive

Вулаканăмăрсем, асăрхарăр пулĕ: сирĕн алăра - хаçатăн 6000-мĕш номерĕ. Ку хисеп ăçтан тупăннă тетĕр-и? Чăваш хутлăхĕнче яш-кĕрĕмпе хĕр-упраç валли хаçат пĕрремĕш хут «Канаш» /халĕ «Хыпар»/ хаçат пуçарнипе 1925 çулта «Çамрăк хресчен» ятпа тухнă. Ун хыççăн кăларăм ятне темиçе те улăштарнă: «Çамрăк колхозник», «Çамрăк большевик», «Çамрăк коммунист». Шел те, чăваш яшĕсемпе хĕрĕсем валли 1966 çулта хаçат кăларма пăрахнă. «Çамрăксен хаçатне» вара «Хыпар» редакторĕ Алексей Леонтьев 1996 çулта тепĕр хут йĕркелесе янă. Тĕрĕс тунă! Епле-ха апла?

Пуш уйăхĕн 18-мĕшĕ историе кĕрсе юлĕ. Çак кун Крым Раççейпе пĕрлешрĕ. Ку икĕ еншĕн те савăнăçлă пулăм. Владимир Путин, Крым Республикин Патшалăх Канашĕн председателĕ Владимир Константинов, Сергей Аксенов премьер-министр, Севастополь мэрĕ Алексей Чалый килĕшÿ алă пуснине курнă май чылайăшĕ савăнннипе куççульне чарайман.

Людмила Кинер юрăç тата хăй тĕллĕн вĕреннĕ композитор чăваш эстрадине çавра çил пек вирхĕнсе кĕчĕ. Пултаруллă та канăçсăр чĕреллĕ хĕрарăм пĕр вырăнта ларма пĕлмест. Ялан таçта васкать. Унăн пĕр вăхăтрах аслисем валли те, ачасем валли те юрăсем хайлас килет.

Пин-пин çын эрне куна чăтăмсăррăн кĕтет - канмалли кунсем çитнипе те мар, «Çамрăксен хаçачĕн» çĕнĕ номерĕ тухнипе. Кăларăма 1996 çултанпа çырăнса илекен чылай. Вĕсем республикăн тĕрлĕ кĕтесĕнче пурăнаççĕ. Хаçатăн чи çывăх тусĕсемпе тĕл пулма Елчĕк районĕнчи Аслă Елчĕке çул тытрăмăр.

«Çамрăксен хаçачĕн» юбилейлĕ номерне пичете хатĕрленĕ май ялти шкула çитсе куртăм - Шупашкар районĕнчи Чăрăшкасси вăтам шкулĕнче чăваш хаçачĕсĕр чăваш чĕлхи урокĕ иртмест.

Малалла вулас...

"Хĕрарăм ача çуратмассерен вилсе чĕрĕлет", - теççĕ. Нинăн амăшĕ пиллĕкмĕш ачипе çăмăлланнă хыççăн ура çине тăраймарĕ...

Малалла вулас...

Пирĕн тăрăха тăхăр уйăхлăха килнĕ нимĕç хĕрĕ Лиза Поггель - Германири Мюнстер хулинчен. Шкулта тăван мар икĕ чĕлхе вĕреннĕ вăл - акăлчанла тата вырăсла. Лиза çак чĕлхесемпе çăмăллăнах калаçать. Унăн амăшĕ Матина тата ашшĕ Дитэр вара журнал кăлараççĕ. Çул çÿрев кăларăмĕ валли амăшĕ статьясем çырать, ашшĕ сăн ÿкерет.

Малалла вулас...