Archive - 2018

декабрь 29th

Юлашки кунсенче пĕтĕм тавралăха асамлăх сăнĕ кĕнине кашниех асăрхарĕ-тĕр. Çут çанталăк та тăрăшсах Çĕнĕ çула хатĕрленет тейĕн. Пас тытнă йывăç-тĕм юмах тĕнчине илсе каять. Пĕтĕм ĕçе пăрахса шухăш вăййи хыççăн унталла — Хĕл Мучипе Юр пике патшалăхне — ыткăнас килет.

Иртсе пыракан çулталăк кăтартăвĕсене çĕршыври МИХсен представителĕсемпе пĕрле черетлĕ пресс-конференцире пĕтĕмлетнĕ май Раççей Президенчĕ Владимир Путин хăйĕн сăмахне 2018 çул мĕнпе асра юлнинчен пуçларĕ. «Паллах, суйлав тата футбол енĕпе тĕнче чемпионачĕ», — палăртрĕ журналистсем чи малтан мĕн пирки ыйтасса пĕлсе Владимир Владимирович.
Эпир вара республикăри паллă çынсене çак ыйтупа чăрмантарас терĕмĕр — мĕнпе асра юлнă-ха Йытă çулĕ?

Капăр чăрăш тавра карталанса ташлани-юрлани, савăнни-кулни — Çĕнĕ çул уявĕн йăлана кĕнĕ пайĕ. Çулталăкри чи ĕлккен праçник асамлăхĕ ача-пăчашăн пушшех çывăх. Çавăнпах республикăн культура, вĕрентÿ тытăмĕнчи тĕрлĕ лапамĕ çак кунсенче хаваслă шăпăрлансен сассипе тулать.

декабрь 28th

Елчĕк районĕнчи Шуршу ялĕнчи Зинаидăпа Валерий Севриковсемшĕн Çĕнĕ çул — чи юратнă уяв. Асамлăхпа çыхăннă праçнике пирĕнтен кашниех чăтăмсăррăн кĕтет. Çапах вăл Севриковсен пурнăçĕнчи чи паллă пулăмсенчен пĕринпе — туй кунĕпе — çыхăннă.

Кăрлач уйăхĕнчи пенсисене Çĕнĕ çулхи каникулсене шута илсе маларах парĕç.
РФ Пенси фончĕн Чăваш Республикинчи уйрăмĕнчен пĕлтернĕ тăрăх — кăрлачăн 5-15-мĕшĕсенче памалли пенси тÿлевне Перекет, ытти банка раштавăн 28-мĕшĕнче куçараççĕ. Пенсионерсен счечĕсем çине укçа тепĕр кунран кая юлмасăр çитмелле. Почта уйрăмĕсем кăрлачăн 5-мĕшĕнче памалли пенсие — 4-мĕшĕнче, 6-мĕшпе 7-мĕшĕнчисене — 5-мĕшĕнче, кăрлачăн 8-мĕшĕнчен пуçласа яланхи графикпа халăх патне çитерĕç.

Сысна çулĕ çывхарнăран çав выльăхпа кăсăкланма тытăнтăм. Ăна аш-какайшăн çулленех усратăп-ха. Малашне чи ăратлине çитĕнтересшĕн. Анчах хăшĕ лайăх-ши?

В.МИХАЙЛОВА.

Pages