Archive - 8 Çу, 2014 - Хыпар

8 Çу, 2014

“Аттерен юлашки çыру 1943 çулта килчĕ”

«Ырă кÿршĕ тăванран та хаклăрах», – тенĕ ваттисем. Çемьере пĕр-пĕр йывăрлăх сиксе тухсанах пулăшу ыйтма пускиле чупатпăр. Савăнăçа та, хуйха та яланах пĕрле пайлатпăр. Çапла пĕр-пĕрне кунран-кун пулăшса, хавхалантарса, шăкăл-шăкăл калаçса пурăннă май ĕмĕр иртнине те сисместпĕр. Вăрмар районĕнчи Шăхальте пурăнакан Мария Шурка, пирĕн кÿршĕ, çак кунсенче 80 çул тултарчĕ. Çăмăл пулман унăн кун-çулĕ, çапах йывăрлăха нихăçан парăнман вăл. Малалла вулас...

8 Çу, 2014

Мирлĕ пурнăçшăн пуç хунă кашни салтак - ПАТТĂР!

Этемлĕх историйĕнчи чи юнлă вăрçăн хаяр çулĕсенче кăтартнă паттăрлăхăн иксĕлми çути вун-вун çул иртсен те пирĕн пата çитет. Çухатусен ыратăвне тÿссе, мĕн пур вăя пухса, хăйсене хĕрхенмесĕр Тăван çĕр-шывăн Аслă вăрçин паттăрĕсем пурăнмалли ирĕке упраса хăварнă.

8 Çу, 2014

Çурçĕр полюсĕ кăмăл-туйăма çирĕплетет

Çапла каланă хăй вăхăтĕнче паллă çул çÿревçĕсем Матвей Шпаропа Борис Смолин. Унта пĕрре мар пулса курнă паттăрсем ертсе пынипе кăçалхи ака уйăхĕнче 16-18 çулсенчи çичĕ çамрăк Çурçĕр полюсне тепĕр хут çитсе килнĕ.

8 Çу, 2014

Çурт тумалли вырăн хакланать. Мĕншĕн?

Республика Пуçлăхĕ Михаил Игнатьев ытлари кун Шупашкарта пĕлтĕрхи çурла уйăхĕнче тума пуçланă ача сачĕн строительствипе кăсăкланчĕ. Ăна Правительство çуртне хирĕç, тĕп хула варринчи кÿлмек тÿпемĕнче, темиçе тĕслĕ кирпĕчрен хăпартнă.

8 Çу, 2014

Паттăрлăхĕ халăх асĕнче

Вăхăт малаллах шăвать. Совет халăхĕ Тăван çĕр-шывăн Аслă вăрçинче çĕнтернĕренпе 69 çул çитрĕ. Малашлăхшăн, ирĕклĕхшĕн пуç хунисем - мухтавлă, вĕсем вилĕмсĕр. Сталинград хулишĕн пынă хаяр çапăçусенче тăшмансемпе çапăçса çамрăклах пуç хунă тепĕр паттăр - Вăрмар районĕнчи Мăнçырмара ÿснĕ Нина Капитонова учительница.

8 Çу, 2014

Пурнăç лайăхланать, анчах ĕç вырăнĕсем çитмеççĕ

ЧР Министрсен Кабинечĕн Председателĕн çумĕ-ял хуçалăх министрĕ Сергей Павлов Пичет çуртĕнче республикăри МИХ представителĕсемпе пресс-конференци ирттерчĕ, 2003 çулта йышăннă «Чăваш Республикинчи ялăн 2013 çулчченхи социаллă аталанăвĕ» программа епле пурнăçланнипе паллаштарчĕ.

8 Çу, 2014

Çу уйăхне кĕтĕмĕр

"Садсем чечекре” тесе çырнăччĕ çак вăхăт пирки Чăваш халăх çыравçи Леонид Агаков. Ку тапхăрта çанталăк ултавлă - тăм ÿкес хăрушлăх пĕтмен-ха. Çавăнпа та сыхă пулни ытлашши мар. Халăхра сăнанă тăрăх, кăкшăм курăкĕ шыв çине çиеле тухсан текех сивĕтмест, тăм ÿкес хăрушлăх чакать.

8 Çу, 2014

Иĕртÿллĕ, тутлă шăршăллă

Пĕлтĕр Тутарстанри Пăва хулинче пулса куртăм. Унта манăн мăнакка пурăнать. Вĕсен пахчинче жасмин ÿсет, чĕрĕ карта-хÿме вырăнне шутланать тет. Илемлĕ, тутлă шăршă саракан тĕм. Çакна пĕлес килет, ăна мĕнлерех ÿстермелле, хăçан лартмалла.

Pages