Archive - Нарăс 2015 - Хыпар

Туртма пăрахасси - çăмăл мар. Çак ĕçе тытăнма чи малтанах çын хăй шухăш тытни тата кăмăл çирĕплĕхĕ кирлĕ. Сиенлĕ йăларан сивĕнесех текенсене курăксемпе диета пулăшма пултараççĕ.

Организма тасатма рациона чĕрĕ улма-çырла, пахча çимĕç, тĕшĕллĕ çимĕçсем ытларах кĕртмелле. Шыв кунне 2 литртан кая мар ĕçмелле.

«Сывлăхăн» кăçалхи 3-мĕш номерĕнче «Шывпа кăна ĕçмелле» материала асăрхарăр пулĕ-ха. Унта Ю. Чехонина диетолог эмел ĕçнĕ чухне шута илмелли йĕркесемпе паллаштарнăччĕ. Паян çак ыйтупа унăн сĕнĕвĕсене малалла пичетлетпĕр.

Пĕрле юрамасть!

Аслă çулсенчи çынсен час-часах çÿç нумай тăкăннине палăртмалла. Ку ватăлса пынипе çыхăннă: гормонсен ĕçĕ вăйсăрланать, щит евĕрлĕ пар активлăхĕ чакать. С. Венедиктова трихолог тухтăр çапла ăнлантарать.

Хамăр вăхăтри паттăрсене пĕлмеллех. 3 стр.

Хыпарсăр çухалнă куккана тупрăмăр... 6 стр.

Ветерансем - ырă тĕслĕх. 8 стр.

Кĕске тапхăртах пысăках мар хулана Раççей Президенчĕ те, çĕршыв Правительствин пуçлăхĕ те килни халиччен пулнă-ши - калаймастăп, çапах кирек мĕнле пулсан та Çĕнĕ Шупашкар ку енĕпе палăрмаллипех палăрчĕ тейĕттĕм.

Ĕнер Çĕнĕ Шупашкарта РФ çумĕнчи экономикăна çĕнетес тата Раççейри инноваци аталанăвĕ енĕпе ĕçлекен канаш президиумĕн ларăвĕ иртрĕ. Ăна Дмитрий Медведев премьер-министр ертсе пычĕ.

Игорь АХМЕРОВ, «Хĕвел» ООО гендиректорĕ: Паян завод презентацийĕ пулчĕ тейĕттĕм. РФ Правительствин пуçлăхĕпе Дмитрий Медведевпа курнăçнă май ăна пирĕн отраслĕн норма никĕсне йĕркеленĕшĕн тавтурăмăр. Шăпах çакă Раççейре çĕнĕ отрасль çуратма пулăшрĕ. Паллах, заводăн технологи кăткăслăхĕпе паллаштартăмăр, çак технологисем малалла аталанаççĕ. Пирĕн наука бази Санкт-Петербургра вырнаçнă, вăл шăпах технологисене çĕнетсе пыма пулăшать. Çакă пире ют çĕршывсенчи компанисемпе конкурентлăх условийĕсенче ăнăçлă тупăшма май парать - вĕсен территорийĕнче тата вĕсен условийĕсемпе.

РФ Президенчĕ çумĕнчи канаш президиумĕн ларăвĕ хыççăн Раççей Правительствин Председателĕ Дмитрий Медведев Чăваш Ен Пуçлăхĕпе Михаил Игнатьевпа ĕçлĕ тĕлпулу ирттерчĕ.

ЧР Ялхуçалăх министерстви февралĕн 13-мĕшĕ тĕлне килти хуçалăхсем продукци пуçтаракансене сутнă сĕт хакĕсемпе паллаштарчĕ. Вĕсене январĕн 30-мĕшĕнчи кăтартусемпе танлаштарсан мĕн курăнать-ха?

Шупашкарти транспорт тата строительство технологийĕсен техникумĕнче ырă йăла-йĕрке сахал мар. Вĕсенчен уйрăмах курăмлисем - Тăван çĕршыв хÿтĕлевçин тата Çĕнтерÿ кунĕсене халалласа ирттерекен мероприятисем. Хальхинче студентсем Афган вăрçине хутшăннă ентешсемпе тĕл пулчĕç.