Archive - 6 Нарăс, 2015 - Хыпар

Юлашки уйăхсенче апат-çимĕç ха­кĕ­сем палăрмаллах пысăкланни ни­кам­шăн та вăрттăнлăх мар. Çак ла­ру-тăрура влаçсем ĕç-пуçа куçран вĕ­çертменни пысăк пĕлтерĕшлĕ. Çакна çирĕплетес тĕллевпе-тĕр республика Пуçлăхĕ Михаил Игнатьев ĕнер тĕп хулари суту-илÿ предприятийĕсенче пулчĕ.

«Предприниматель» сăмаха словарьте «ĕç пуçаруçи, харпăр хăй укçи-тенкипе суту-илÿ е производство йĕркелекен» тесе куçарнă. Çавăнпа хăшĕ-пĕри çак сăмаха «туян та сут» шайне кăна лартнипе пĕрре те килĕшес килмест. 10-15 çул каялла çеç-ха, акă, вĕсене «спекулянт» тесе кÿрентеретчĕç. Ман шухăшпа, сăмах каличчен вĕсен çăкăрĕн тутине пĕлмелле: пылак-и вăл е йÿçĕ-и? Ытларах чухне пылаках мар çав - тăварлă. Ырлăх-пурлăха тар тăкса ĕçлемесĕр тума çук.

Чĕрĕк ĕмĕрте агропромра пысăк улшăну пулса иртрĕ. Унччен колхоз-совхоз, патшалăхăн вĕренÿ-производство хуçалăхĕсем, вăрлăх хатĕрлекен, хăмла çитĕнтерекен, ăратлă выльăх ĕрчетекен предприятийĕсем тĕпреччĕ. 1990 çулсенче тĕрлĕ харпăрлăх организацийĕсем вăй илчĕç. Ял мĕнле çулпа кайрĕ-ха?

Чăваш Республикине хĕрĕх çула яхăн ертсе пынă тĕлĕнмелле пысăк чунлă, ăслă, анлă тавракурăмлă Семен Матвеевич Ислюков çуралнăранпа 100 çул çитрĕ. Тăван халăхăмăрăн 20-мĕш ĕмĕрĕн историйĕнче вăл питĕ пысăк пĕлтерĕшлĕ вырăн йышăнать.

- Йывăçăн чунĕ пурах тетĕп. Атту çын кăмăлне ăçтан систĕр-ха вăл? Юмана пырса ыталасан вăй кĕрсе каять. Çăка çынна лăпкăлăх кÿрет. Лаштра йăмра вара чуна лăплантарать. Ăвăспа тирек айĕнче ним çукран ăш вăркама пуçлать. Эпĕ йăмраран тĕлĕнсе пĕтерейместĕп.

Комсомольски районĕнчи Урмаел ялĕнче çуралса халĕ те кунтах пурăнакан Вагиз Камалетдинова мĕн ачаранпах сăрă-кăранташпа çуралакан илем илĕртнĕ. Вичкĕн куçлăскер çавăн чухнех, "йывăçсем пысăккăн курăннă" вăхăтсенчех, ытти тантăшĕ асăрхаманнине сăнанă, шурă хут çине куçарнă.

Чăваш Енри тутар ялне Баварире пурăнакан Зигфрид Сатдинов пĕр тĕллевпе - йăх-тымарне шыраса тупас тесе - çула тухнă

Иртнĕ ĕмĕрĕн 70-80-мĕш çулĕсенче студентсен строитель отрячĕсем кĕрлесе кăна тăратчĕç. Самана улшăннă май çак юхăм хисепне çухатрĕ. Юлашки çулсенче, акă, студентсен ĕç отрячĕсем çинчен çĕнĕрен калаçма пуçларĕç. Апла тăк çак юхăм вуçех пĕтсе ларман? Ăна çĕнĕрен аталантарса яма пултарнă?

Н.АФАНАСЬЕВ.

Вăрмар районĕ.

Граждан вăрçи çулĕсенче Улатăрта темиçе çар госпиталĕ пулнă теççĕ. Унта ахаль çынсене сипленĕ-и?

А.ЕФИМОВА.

Канаш районĕ.

Вăрмар районĕн сучĕн Шупашкарта пурăнакан 33 çулти Алексей Мидяков тĕлĕшпе палăртнă приговорĕ саккунлă вăя кĕчĕ. Арçын ют пурлăха вăрланăшăн суд умне тăчĕ.

Суд çирĕплетнĕ тăрăх - пĕлтĕрхи сентябрьте ÿсĕр Алексей Тăвай районĕнчи Чутейри ангара алăк ватса кĕнĕ. Унтан тĕрлĕ инструмент /сварка аппарачĕ, болгарка, дрель/, электрочейник, ĕç тумтирĕ вăрласа тухнă - пĕтĕмпе 43 пин ытла тенкĕлĕх.