Archive - 12 Пуш, 2014 - Хресчен сасси

12 Пуш, 2014

Кахалланмасан – тăрантарать

Ĕçлесен, кахалланмасан фермерсем Вăрмарсене тăрантармалла. Район администрацийĕн тĕп специалисчĕ Николай Михайлович Михайлов палăртрĕ çак шухăша. Иртнĕ çулта районта сухаламалли пĕтĕм çĕр лаптăкĕн 60 процентне (13 300 гектар) "ĕçлеттернĕ". Ку вăл виçĕм çулхинчен çичĕ процент нумайрах.

12 Пуш, 2014

Сĕте йÿнĕпе парас килмест

"Ĕне тытакансем халь пайта кураççĕ. Тул çутăлсанах яла сĕт пуçтаракан машина килсе чарăнать. Ял çыннишĕн питĕ меллĕ. Анчах хак вылявне ăнланма йывăр. Хĕл варринче 23 тенкĕпе (хăш-пĕр ялсенче) пуçтарнине илтрĕмĕр, унтан 18 тенке çити чакрĕ. Пирĕн тăрăхра темшĕн йÿнĕрех пек туйăнать. Çак тытăмра йĕрки çукрах пулас".

Р. Иванова. Тăвай районĕ.

12 Пуш, 2014

Йывăр тиевлисен – тăхтамалла

Кăçалхи ака уйăхĕн 1-мĕшĕнчен пуçласа 30-мĕшĕччен (юлашки куна шута илсе) республикăра тиевлĕ е тиевсĕр пысăк транспорта пурте усă куракан автоçулсемпе (регион тата муниципалитет пĕлтерĕшлисемпе) вăхăтлăха çÿреме чараççĕ. Çакăн пирки Чăваш Республикин Транспортпа çул-йĕр министерстви пĕлтерет.

Çуркуннехи çанталăкра çулсем шывланаççĕ, нÿрĕ асфальт йывăр тиевлĕ машинăсене пула ванма пултарать.

12 Пуш, 2014

Çуни хатĕр, лаши – çук

Иртнĕ çул вĕçĕнче вĕренÿ çинчен калакан саккуна тÿрлетÿсем кĕртрĕç, вĕренÿ учрежденийĕсене лицензи парас йĕрке улшăнчĕ. Çĕнĕлĕхсене шута илсессĕн паян мĕн пур автошкул саккуна пăсса ĕçлет темелле. Çакна кура вĕренÿ надзорĕ вĕсен ĕçне чарма тытăннă та ĕнтĕ. Хăш-пĕр шкула тивĕçтермен условисене вара кашни вĕренÿ заведенийĕнчех тупма пулать. "Çывăх вăхăтра водителе вĕренсе алла права илме май та пулмĕ", – тесе çырать "Российская газета" хаçат.

12 Пуш, 2014

Тĕрĕ ытамĕнче

Тĕрĕ-çĕвĕ ачаранах кăсăклантарнă ăна. «Ферма хĕрĕсем тĕрленине тантăшсемпе сăнама юрататтăмăр, – аса илет иртнине Лидия Архипова. – Кайран хамăр та йĕппе çип тытнă, вăрттăн тĕрлеттĕмĕр. Ĕçе вĕçлесен анне тин асăрхатчĕ. «Кам тĕрленĕ?» – кăсăкланса ыйтатчĕ. «Эпĕ», – теттĕм хĕпĕртесе. Тĕлĕнетчĕ хăй».

12 Пуш, 2014

«Тытатпăр та – тăватпăр»

Вăрмар районĕнчи Чупайри пĕтĕмĕшле пĕлÿ паракан вăтам шкулта вĕренекенсем хăйсене «Иван Яковлев хунавĕсем» теççĕ. Аслă вĕрентекенĕмĕр халалĕсене ăша хывса пурăнаççĕ вĕсем. Кунтах çак ятпа ачасен пĕрлĕхĕ те ĕçлет.

Ырă йăла