Archive - 12 Пуш, 2014 - Хыпар

Республикăн агропромышленноç комплексне пĕлтĕр хыснаран 2,45 млрд тенкĕ - виçĕм çулхинчен 19% нумайрах - уйăрнă. Кĕмĕл кăçал та чылай парĕç. Уйрăммăн илсен ăратлă выльăх, вăкăр вăрлăхĕ, чĕпĕ кăлармалли çăмарта, талăкри чăх чĕппи туянма, ял хуçалăх организацийĕсен сĕт лайăх антаракан ĕнисене, ятарлă хуçалăхсен ăратлă ама выльăхне тăрантма кăçал та куçарĕç.

Чăваш Ен Сывлăх сыхлавĕпе социаллă аталану министерстви пĕлтернĕ тăрăх - Крымра тата Севастопольте пурăнакансене пулăшмашкăн тенкĕлĕх счет уçнă. Унта Раççей гражданĕсем ыр кăмăллăх тата гуманитари пулăшăвĕн шучĕпе укçа куçарма пултараççĕ. Счета Пĕтĕм Раççейри «Раççей Хĕрлĕ Хĕресĕ» общество организацийĕ йĕркелесе тăрать.

Вулакансем ăна пуянлатмашкăн пуçаруллă хутшăнасса шанса реквизитсене пĕлтеретпĕр:

Çак кунсенче Патăрьел районĕнчи Аслă Арапуç вулавăшĕнче Валентина Ендеевăн «Алă ĕçĕ - чун тата чĕре валли» курав уçăлнă. Ăна Культура çулталăкне тата Пĕтĕм тĕнчери хĕрарăмсен кунне халалланă.

Çĕмĕрле районĕн администрацийĕнче çут тĕнчене килнĕ виçĕреше регистрациленĕ. Çĕнĕ «кайăксем» нарăс уйăхĕн вĕçĕнче çуралнă.

Елена Кочергина икĕ чиперккепе пĕр паттăра пурнăç парнеличчен те ывăллă пулнă. Владислав пĕр харăс йăмăксемпе шăллĕллĕ пулса тăрасса ĕмĕтленмен те. Алина, Виктория тата Алексей çемьене чăннипех пысăклатнă. Паллах, ашшĕпе амăшĕн ĕçĕпе тивĕçĕ те пĕр ача хушăнни чухнехинчен чылай ытларах.

Çĕмĕрле райадминистрацийĕн ЗАГС ĕçченĕсем телейлĕ çемьене малашнехи пурнăçра ырă кĕтменлĕхсем кăна суннă.

М.СЕМЕНОВА.

Пуш уйăхĕн 11-мĕшĕнче Мускавра Чăваш Ен Пуçлăхĕ Михаил Игнатьев Шупашкар хулине никĕсленĕренпе - 550, Чăваш автономи облаçне туса хунăранпа 100 çул çитнине уявлама хатĕрленес енĕпе ĕçлекен йĕркелÿ комитечĕн черетлĕ ларăвне хутшăннă.

Пуш уйăхĕн 7-мĕшĕнче Чăваш Ен Пуçлăхĕ Михаил Игнатьев Çĕнĕ Шупашкар хулин Историпе ÿнер музей комплексĕнче вăрçă тата ĕç, хĕç-пăшаллă вăйсен тата право йĕркине сыхлакан органсен Çĕнĕ Шупашкарти ветеранĕсен канашĕн членĕсемпе тĕл пулнă. Тĕл пулăва республикăн Министрсен Кабинечĕн Председателĕн çумĕ - сывлăх сыхлавĕпе социаллă аталану министрĕ Алла Самойлова, хула ертÿлĕхĕ хутшăннă.

«Çу уйăхĕнчи» указсем

Пÿрне йĕрĕсем преступлени пулнă хыççăн икĕ çултан хуçине тупнă - айăплă çынна суд умне тăратма май панă. Йĕкĕт çартан таврăнасса унăн çывăх çыннисем кăна мар, полици те чăтăмсăррăн кĕтнĕ...

Çапла пулмасăр! Ăна саккунлăха тивĕçтерме шаннă, вăл вара çав шанăçпа усă курса хăй саккуна пăснă - пайта курассишĕн. Сăмах - суд приставĕ пулнă çамрăк çын пирки.

Ун пирки пуçарнă уголовлă ĕçе Следстви комитечĕн республикăри управленийĕн уйрăмах пĕлтерĕшлĕ ĕçсене тĕпчекен пайĕ тĕпчесе пĕтернĕ ĕнтĕ. 27 çулти Михаил Албутова Уголовлă кодексăн темиçе статйипе айăплаççĕ.

Çак кунсенче РФ Президенчĕн федерацин Атăлçи округĕнчи полномочиллĕ представителĕн пулăшуçи Александр Дрожжин видеойышăну йĕркеленĕ: Чăваш Енре, Пушкăртстанра, Киров облаçĕнче пурăнакансен пĕр ушкăнĕн ыйтăвĕсене тишкернĕ.