Archive - 17 Кăрлач, 2014 - Çамрăксен хаçачĕ

17 Кăрлач, 2014

“Математика олимпиадинче каччă сахал”

«Вĕренÿ» наци проекчĕпе килĕшÿллĕн çитĕнÿ тунă çамрăксене çуллен 60 е 30 пин тенкĕпе танлашакан премипе хавхалантараççĕ. Çак йышра Чăваш Ен çамрăкĕсем те пур. Пĕлтĕр кунашкал чыса 44-ăн тивĕçнĕ, кăçал 46-ăн. Лауреатсен йышне пĕлтĕр кĕнисенчен чылайăшĕ Шупашкарта пурăнать, 8-шĕ çĕр-шывăн тĕрлĕ регионĕнче аслă пĕлÿ илет.

Элĕк районĕнчи Кĕçĕн Тăван ялĕнче çуралса ÿснĕ Марта Вавилова преми илесси пирки пачах шухăшламан. Раççей шайĕнчи олимпиадăра мала тухнăшăн 30 пин тенке тивĕçнĕ çамрăкпа кăнтăр апачĕ вăхăтĕнче тĕл пултăмăр.

17 Кăрлач, 2014

Канма пĕлместпĕр

2005 çулччен Раççейре кăрлачăн 1-мĕшпе 2-мĕшĕ кăна канмалли кунсемччĕ, çавăнтанпа ĕçлекенсем те, шкул ачисем пекех, вăраха тăсăлакан каникула кайма тытăнчĕç. Юрать, пĕлтĕрпе кăçал килте “лармалли” кунсене кăшт чакарчĕç, урăх тапхăра куçарчĕç. Тем тесен те, çак кунсенчен тепĕр пайне те çу уйăхне катертмелле пек туйăнать. Мĕншĕн иккенне татăклă сăлтавсемпе çирĕплетем.

17 Кăрлач, 2014

Пуçланиччен - 3 эрне

Олимпиада уçăлнипе çыхăннă мероприятисем виçĕ лапамра иртĕç. Çакна «Сочи – 2014» йĕркелÿ комитечĕ пĕлтернĕ. Сценари 9 тапхăртан тăрать. Концерт программи нарăсăн 7-мĕшĕнче каçхи 8 сехет те 14 минутра пуçланĕ. Унта паллă çынсем, сумлă хăнасем килсе çитĕç. Йĕркелÿçĕсем ыттине хальлĕхе вăрттăнлăхра тытаççĕ.

* * *

17 Кăрлач, 2014

Республика Пуçлăхĕ старт пачĕ

Кăрлачăн 11-мĕшĕнче Олимп резервĕсен ачасемпе çамрăксен ятарлă 3-мĕш спорт шкулĕн çĕнетнĕ манежĕнче Чăваш Ен Пуçлăхĕн Михаил Игнатьевăн кубокне çĕнсе илессишĕн çăмăл атлетика енĕпе Пĕтĕм Раççей ăмăртăвĕ пуçланчĕ. Çĕр-шыври 300 ытла спортсменпа пĕрле Беларуç тата Украина чемпионĕсем савăнăçлă парада тухрĕç.

17 Кăрлач, 2014

Уяв чечекне килтех ÿстеретпĕр

Кăрлачăн пĕр­­­ремĕш çурринче сухан пуçлă тата тымарлă чечексене тымарлантарса /выгонка/ çурхи уяв тĕлне илемлĕ чечек çыххи хатĕрлеме пултаратăр.

Чечек çитĕнтермелли чи ансат мел – тымарсене тутлăхлă ирĕлчĕк янă савăтра «ӳстерни». Çакна вали хулăн мар картунра çаврашка шăтăксем тăвăр. Унта тымар вĕçĕсене чикса лартăр.

Гиацинт пуçĕсене валли 5 см /80-85 г/, нарциссене валли 4 см /70-80 г/, тюльпансене -3 -3,5 см /20-25г/ пысăкăш çаврашкасем тусан аван. Тымар вĕçĕпе шыв çийĕн 1-1,5 см пушă вырăн хăварăр.