Archive - Нарăс 2014 - Тантăш

февраль 27th

27 Нарăс, 2014

Юрать-ха тивмерĕç

Ленинград хулине блокадăран ирĕке кăларнăранпа 70 çул çитнине анлă паллă турĕ пирĕн çĕр-шыв. Эпĕ Ленинграда 1971-мĕш çулта атте парнеленĕ путевкăпа кайса курнăччĕ. Пире паллă вырăнсене экскурси автобусĕпе илсе çÿрерĕç. Хулапа паллашрăмăр, музейсенче пултăмăр. Тĕрлĕ палăк, Эрмитажри экспонатсен, Петродворецкри фонтансене курса тĕлĕнтĕмĕр. Пĕр кунхине ятарласа Пискаревскри мемориал масарĕ çине та илсе кайрĕç. Таня Савичевăн тăванĕсем вилни пирки çырса пынă блокнот страницисене вулани яланлăхах асра юлчĕ.

27 Нарăс, 2014

«Хăшĕ-пĕри укçана ачисенчен те мала хуни пăшăрхантарать...»

Çут çанталăка юратакан çын кашни йывăç-курăка чĕрĕ пек курать, калаçать, амантасран асăрханать, ăнсăртран пĕр çулçине хуçсан каçару та ыйтать. Ăна чечексем çилленме е тарăхма, савăнма пултарнăн туйăнать. Кристина Полякова та çавăн пекех.

27 Нарăс, 2014

Чăваш чĕлхин сумне çĕклесчĕ

«Тантăш» хаçатра /2014 çулхи нарăсăн 6-мĕшĕнче, 5 №/ «Пушкăртра «Шупашкар калаçмасть», телекурав та савăнтармасть» статьяпа паллашрăм. ЧР Етĕрне районĕнчи Пушкăрт шкулĕн ĕçченĕсен ăшĕнчен тухнă чун ыратăвĕ мана та, 30 çул чăваш ачисене хутла вĕрентнĕскерне, пăлхантарчĕ. Чăваш чĕлхи шăпи пирки питех те кирлĕ калаçу хускатнине ырлатпăр тата вĕрентекенсен шухăшĕпе килĕшсе хамăр пăшăрханнине те палăртатпăр. «Пĕр çын сурсан типсе ларать, пин çын сурсан кÿлĕ пулать», - тенĕ ваттисем.

февраль 20th

20 Нарăс, 2014

Ырă вăрлăх ырă çимĕç парать

Ку çĕр-шыв паян та пăлхавлă, вăрçă-харçăллă регионсен шутĕнче. Америкăн хĕç-пăшаллă çарĕсем терроризмăн йăвине аркатма пуçланă операцие çаплах вĕçлеймеççĕ-ха. 1979 çулхи раштав вĕçĕнче Совет Союзĕ те кунти çивĕчленсе çитнĕ лару-тăрăва çăмăллатас тата ăна йĕркелес тĕллевпе сăртлă-туллă çĕр-шыва хăйĕн артиллерийĕпе мото-пехотине тата сывлăш çар вăйĕсене илсе кĕчĕ.

20 Нарăс, 2014

Ача-пăча кĕнекин мĕнлерех пулмалла, е Мĕн пирки вуласшăн çамрăксем?

«Кĕнекесем çынна ырăрах тăваççĕ, ку вара искусствăн тĕп тивĕçĕ кăна мар, пĕртен-пĕр тĕллевĕ-тĕр», - тенĕ Иван Гончаров çыравçă. Ача-пăча кĕнекисемшĕн асăннă ен нимрен те хак- лăрах. Анчах пур кăларăм та çакнашкал пахалăхпа мухтанма пултарать - и - ха?

«...шухăшлакансем çырмаççĕ, çыракансем шухăшламаççĕ»

20 Нарăс, 2014

Пĕр-пĕрне ăнланса, йышпа канашласа

Тулли те интереслĕ пурнăçпа пурăнать тăваттăмĕш «б» класс. «Пире тунсăх, пирĕншĕн никам та тăрăшмасть » - тесе пусăрăнса лармаççĕ вĕсем. Çук унашкал тÿнтер ен. Ну, тем калăр та, çук !

20 Нарăс, 2014

Тетте шкула пырсан...

Лиза хальлĕхе пур сас паллине те палламасть-ха. Апла пулин те «Тетте» журнала çав тери кăмăллать. Юратнă кăларăмĕ килсен пĕрремĕш класра вĕренекен Маша аппăшне канăç памасть.

- Ак çакна вуласа пар-ха. Унта мĕн çырнине йăлтах пĕлес килет, - çыпçăнать ун çумне куршанак евĕр.

февраль 13th

13 Нарăс, 2014

Чи пултаруллисем

Иртнĕ çул вĕçĕнче Шупашкарта Пĕтĕм Раççейри иккĕмĕш "Цветик-семиц¬ветик" телекурав фестиваль-конкурсĕ иртрĕ. Унта Етĕрне районĕнчи Тури Ачак шкулĕнче вĕренекенсем те хастар хутшăннă. Тĕрлĕ хуларан килнĕ ачасем сакăр номинацире тупăшнă.

Кăçал кăрлач уйăхĕнче вара çак фестивалĕн финалĕ пулчĕ. Гала-концерта çĕнтерÿçĕсене çеç чĕнсе илчĕç, чи пултаруллисен хушшинче Тури Ачак шкулĕн "Гармония" ташă ушкăнĕ те. Вĕсем "Хореография" номинацире эстрада тата ирĕклĕ ташăсемпе виççĕмĕш степеньлĕ лауреатсем пулса тăчĕç.

13 Нарăс, 2014

Чемпионсем патĕнче: рекорд çĕнелет!

Иртнĕ эрнере эпир çырăнтару «чемпионĕсем» патне кайса килтĕмĕр. Çырăнтарура малашне пысăк шанăç паракан Мăн Чураш шкулне те çула май кĕрсе тухрăмăр. Раççей Конституцийĕ 20 çул тултарнине халалласа ирттернĕ викторина çĕнтерÿçине Андрей Иванова Хисеп грамотипе чысларăмăр.

13 Нарăс, 2014

Хаваслă тĕл пулу - кăткăс тĕрĕслев

Сывлăх, ăнăçу-телей сунатăп хаçатăн çамрăк тусĕсене! «Тантăша» юратакансене хампа паллаштарма кирлĕ мар ĕнтĕ: Айсан Термене ас туса юлчĕç пулĕ.

Pages