Çивĕч ыйтусем калаçу шайĕнче кăна ан юлччăр
Эрнекун Аслă экономика канашĕн черетлĕ ларăвĕ иртрĕ. Ку хутĕнче канаш Сĕнтĕрвăрри тата Шупашкар районĕсен социаллă пурнăçпа экономика аталанăвне тишкерчĕ.
Канаш председателĕ Анатолий Аксаков пухăннисене лайăххи пирки — сахалрах, çитменлĕхсем çинчен ытларах калаçма сĕнчĕ пулин те хăшĕсем хăйсен çитĕнĕвĕсемпе çак шайра мăнаçланмалли меллĕ самантпа туллин усă курас терĕç ахăр — лару икĕ сехет ытла тăсăлчĕ. Эпир вĕсенчен тĕслĕх илмĕпĕр — çивĕч темăсем çинче чарăнса тăрăпăр.