Паян Шупашкар сити-менеджерӗ Алексей Ладыков Шупашкар ертӳлĕхне Чăваш Ен тĕп хули 2019 çулхи ĕç кăтартăвĕсем тăрăх хула хутлăхĕн пахалăхĕн индексĕпе Федерацин Атăлçи округĕнче 1-мĕш вырăн йышăннипе саламларĕ.
Çак индекса РФ Стройминĕ тин çеç, кĕçнерникун, пичетлесе кăларнă. Шупашкар округра — 1-мĕш, Раççейре 6-мĕш вырăнсене йышăннă.
Çĕнĕ хула микрорайонĕнчи çĕнĕ шкул строительствинче отделка ĕçĕсем, территорие тирпейлессипе çыхăннă ĕçсем малалла пыраççĕ. Алексей Ладыков унта тӳрлетнĕ проектпа ĕçленине çирĕплетрĕ. Шкулсен темине хускатнă май Олег Николаев Университет тата Сад урамĕсенче тума палăртнă шкулсемпе çыхăннă ыйтусемпе кăсăкланчĕ.
Çĕнĕ хулара харăсах икĕ çула хута ямалла — ĕçсене юпа, чӳк уйăхĕсенче вĕçлемелле. Пĕри 23 миллион тенкĕлĕх — 0,3 километр тăршшĕ, тепри 54 миллионлăх — 0,6 километр ытларах. Алексей Ладыков сити-менеджер пытармарĕ: çулсенчен пĕрин валли подрядчик тупасси такăнтарнă иккен — строительсем килĕшесшĕн мар.
ЧР Пуçлăхĕн тивĕçĕсене вăхăтлăх пурнăçлакан Олег Николаев эрнекун Шупашкарти Çĕнĕ хулари тата Университет урамĕнчи çулсен строительствипе паллашрĕ, Строительство министерствин тата тĕп хула администрацийĕн ертӳçисемпе асăннă объектсенче кăçал пурнăçламалли ĕçсене сӳтсе яврĕ.
Етĕрнери Комсомольски урамĕнче иртен пуçласа каçченех техника кĕрлет. Строительсем урамра такăр çул сараççĕ.
Чăвашла верси
Русская версия
