Публицист шухăшĕ

Шупашкарти «Машинăсен сервис технологийĕсем» компанисен ушкăнĕн ГК «Сервисные технологии машин» производство цехĕнче шавлă — ĕç вĕресе тăрать. Çĕнелнĕ Т-150 трактора кăтартнă май кунта ĕçлекенсем çак техникăна Оренбург облаçне ăсатма хатĕрленнине пĕлтерчĕç. Шупашкарта юсанă хăватлă К-700, Т-150 тракторсене чылай инçерех ăсатнă тĕслĕх те пайтах-мĕн – Иркутск облаçне, Хабаровск тăрăхне… Унта хăйсем юсаймаççĕ-шим? «Вĕсен пирĕн пек ăстасем çук», — шӳтлет компани директорĕ Игорь Павлов.

Чăваш Республикин Тĕп суйлав комиссийĕнче РФ Патшалăх Думине суйланма палăртнисем документсем тăратма тытăннă.

Тĕп суйлав комиссийĕн çумĕ Игорь Михайлов пĕлтернĕ тăрăх, хальхи вăхăтра 3 çынран хутсем йышăннă: иккĕшĕ — партирен, пĕри — хăй тĕллĕн. «Малтан кандидатсен докуменчĕсене тĕрĕслетпĕр. Çитменлĕхсене тӳрлетнĕ хыççăн удостоверени паратпăр», — терĕ Игорь Васильевич.