Министрсен Кабинечĕн юнкун ЧР Пуçлăхĕ Олег Николаев ертсе пынипе иртнĕ ларăвĕн кун йĕрки чăннипех анлă пулчĕ. Спортсменсене республика Пуçлăхĕн стипендийĕсене памалли йĕркене çĕнетес ыйтупа спорт министрĕн тивĕçĕсене пурнăçлакан Татьяна Рябинина сăмах илчĕ.
Паян 14 çамрăкшăн пĕлтерĕшлĕ кун пулчĕ. Республикăн тĕрлĕ кĕтесĕнчен килнĕскерсене Правительство çуртĕнче савăнăçлă лару-тăрура пĕрремĕш паспорт пачĕç.
Паян Атӑл леш енчи "Буревестник" кану базинче "Ҫамрӑксен наукӑпа техника пултарулӑхӗн" куравӗ пулчӗ. Вӑл "Ҫамрӑксен хули - 2021" форумпа килӗшӳллӗн иртет.
Унта ЧР Вӗрентӳ министрӗ Алла Салаева, И.Н. Ульянов ячӗллӗ университетӑн ректорӗ Андрей Александров, ҫавӑн пекех ЧР Вӗренӳ институчӗн ректорӗ Юрий Исаев хутшӑнчӗҫ.
Куравӑн тӗп тӗллевӗ - федерацин Атӑлҫи округӗнче вырнаҫнӑ регионсенчи ҫамрӑксен инновациллӗ наукӑпа техника пултарулӑхне хавхалантарасси.