акцисем

22 Утă, 2020

Общественниксем пулăшаççĕ

Чăваш Енри Шалти ĕçсен министерствин Общество канашĕн представителĕ Александр Соловьев ĕçлĕ çул çÿревпе Пăрачкав районне кайнă. Унта вăл полицин вырăнти уйрăмĕн пуçлăхĕпе Алексей Масеевпа тата çул çитменнисемпе ĕçлекен Антонина Глухова инспекторпа тĕл пулнă.

Енсем «Общество канашĕпе каникул» пĕтĕм çĕшыври акцие Пăрачкав районĕнче йĕркелес ыйтăва хускатнă. Ку акцие çул çитменнисене правăна пăсасран асăрхас тĕллевпе йĕркелеççĕ. Пăрачкав районĕнчи йĕрке хуралçисем Общество канашĕн пулăшăвне хапăлласа йышăннă.

Кун хыççăн кун
Хыпар
ШĔМ
Пăрачкав районĕ
акцисем
6 Утă, 2020

Писатель çемйисемпе паллаштарĕç

Çемье, юрату тата шанчăклăх кунне халалласа Чăваш наци библиотеки "Чăваш Енри çыравçă çемйисем" акци пуçарнă. Тăван литературăра йĕр хăварнă, паянхи кун та тăрăшса ĕçлекен çавнашкал çемье нумай: Яков тата Мария Ухсайсем, Леонид Агаковпа Александра Лазарева, Иоаким Максимов-Кошкинскипе Тани Юн. Паянхи кун Юхма Мишшипе Роза Шевлепи, Валерипе Ольга Туркайсем, Олегпа Римма Прокопьевсем тата ыттисем тăрăшса ĕçлеççĕ.

Культура
Хыпар
Çемье
акцисем
22 Çĕртме, 2020

Раççей реккорчĕсен кĕнекине лекнĕ

Шупашкарти «Классика» юрă капелли Раççей рекорчĕсен кĕнекине кĕнĕ. Вăл «МУЗЫКАПОБЕДЫ.РФ» пĕтĕм тĕнчери онлайн-марафона хутшăннă. Ăна Тăван çĕршывăн аслă вăрçинче çĕнтернĕренпе 75 çул çитнине халалланă. «День Победы» юрра пысăк йышпа шăрантарса Раççей рекордне лекес тесе тĕрлĕ çулхисемпе тĕрлĕ йышлă коллективсем юрлама пултарнă.

Культура
Хыпар
акцисем
27 Çу, 2020

Районсемпе хуласем республика гимнне пĕрле шăрантарĕç

Çу уйăхĕн 26-мĕшĕнче Чăваш Енре онлайн мелпе "Славься, Чувашия" ("Мăнаçлан, Чăваш Ен") марафон пуçланнă. Ăна Чăваш автономи облаçне йĕркеленĕренпе 100 çул çитнине халалланă.

Марафон çĕртме уйăхĕн 24-мĕшĕччен пырĕ, унта Чăваш Енри пур муниципалитет центрĕ те хутшăнĕ. Акци Хĕрлĕ Чутай районĕнчен пуçланнă, Шупашкар хулинче вĕçленĕ.

Культура
Хыпар
акцисем
6 Çу, 2020

Шупашкарти шкул ачисем «Реликвии войны» акцие хутшӑнаҫҫӗ

Ака уйӑхӗн 22-мӗшӗнчен пуҫласа ҫу уйӑхӗн 9-мӗшӗччен Шупашкар хула администрацийӗн вӗренӳ управленийӗ «Реликвии войны» акци ирттерет. Ӑна Аслӑ Ҫӗнтерӳ пулнӑранпа 75 ҫул ҫитнине халалланӑ.

Шупашкарти шкулсенче 1-11-мӗш классенче вӗренекенсем документ материалӗсен сӑн ӳкерчӗкӗсене кӗске информаципе соцсете вырнаҫтараҫҫӗ. Ҫавӑн пекех ачасем видеороликсенче Тӑван ҫӗршывӑн Аслӑ вӑрҫине хутшӑннӑ тӑванӗн ҫемье реликвийӗ ҫинчен каласа кӑтартаҫҫӗ.

Вĕрентÿ
Хыпар
акцисем
конкурссем
Аслă Çĕнтерÿ: 75 çул

Pages