Хыпар

Çак кунсенче Вăрнар районĕнчи хирсем те хăватлă техникăпа тулнă. Чи малтан ака-сухана «Мураты», К.Маркс ячĕллĕ, «Знамя» ЯХПКсемпе «Санары» агрофирма, Вăрнарти аш-какай комбиначĕ, В.Павлов фермер хуçалăхĕнче тытăннă.

Чăваш Енре коронавируспа чирлекенсен шучĕ ÿснине кура ЧР Пуçлăхĕн тивĕçĕсене вăхăтлăх пурнăçлакан Олег Николаев ытларикунран инфекци сарăлассипе кĕрешмелли мерăсене тата та вăйлатрĕ.

Чăваш энергосбыт компанийĕ те коронавируспа кĕрешес ĕçе курăмлă тӳпе хывать. Энергетиксем çăмăл мар çак тапхăрта потребительсене пулăшмалли йышăну тунă.

ЧР Юстици тата пурлăх хутшăнăвĕсен министерствин «Чăваштехинвентаризаци» бюджет учрежденийĕн ятне улăштарассине хăвăрт татса пачĕç. Çакă министерство ячĕ улшăннипе кăна çыхăннă. Çавăнпа ĕнтĕ финанс министрĕ Михаил Ноздряков çакнашкал учрежденисен ячĕсенче министерство ятне палăртнин вырăнлăхне тишкерме сĕнчĕ. Çакăнпа Олег Николаев та килĕшрĕ.

Ĕçлев министрĕ Алена Елизарова ялти специалистсене коммуналлă пулăшу ĕçĕсен тăкакĕсене /çав шутра — çурт-йĕре хутса ăшăтмашкăн вутă туянмалли тăкаксем те/ саплаштарса паракан тӳлеве индексацилесси çинчен пĕлтерчĕ.

Саплаштару виçи 12% яхăнах пысăкланать — 1181 тенкĕпе танлашĕ. Çак укçана илекенсем — 15,2 пине яхăн çын. Ялти специалистен шутне ялта вăй хуракан медиксем, учительсем, культура, социаллă сфера ĕçченĕсем, ветеринарсем кĕреççĕ.

Pages

Subscribe to Хыпар