Çураки мĕнле пыни пирки ĕç тăвакан влаç органĕсен тата муниципалитетсен ертÿçисемпе паян иртнĕ канашлура вице-премьер — ял хуçалăх министрĕ Сергей Артамонов каласа кăтартрĕ.
Вăл республикăри хуçалăхсенче пĕрчĕллĕ тата пăрçа йышши культурăсене 159,2 пин гектар акнине пĕлтерчĕ. Ку — планпа палăртнин 82%.
«Çанталăк хресчен çирĕплĕхне тĕрĕслет. Иртнĕ кунсенче çунă çумăр тăпрари нÿрĕк дефицитне пĕчĕклетме пулăшрĕ, пушарсемпе çыхăннă хăрушлăха та чакарчĕ. Çапах ĕç калăпăшĕ пысăк — кĕрхи культурăсен 50 пине яхăн гектарне пăсса çĕнĕрен акма тивнине кура пушшех техника çитмест.
Республикăра çурхи ĕçсен хĕрÿ тапхăрĕ иртрĕ. Хура тул акса, купăста лартса пĕтермен хуçалăхсем пур. Пĕтĕм ĕçе çак кунсенче вĕçлеççĕ. Акана «Хыпарта» ЧР Министрсен Кабинечĕн Председателĕн заместителĕ — ял хуçалăх министрĕ Сергей Артамонов пĕтĕмлетме килĕшрĕ.
Улшăнусем хăш енĕпе?
Кунран-кун хĕрÿ тапхăр — çур аки — çывхарать. Çакă хуçалăхсенче те сисĕнет. Çĕр ĕçченĕсем ял хуçалăх техникине юсаççĕ, вăрлăх тасатаççĕ, минерал удобренийĕ, ГСМ туянаççĕ. Ака-сухана хатĕрленессипе Пăрачкав районĕнче республикăри агрономи конференцийĕ иртнĕ.
Ĕнер, çу уйăхĕн 4-мĕшĕнче, ЧР Министрсен Кабинечĕн Председателĕн заместителĕ — ял хуçалăх министрĕ Сергей Артамонов Патăрьел тата Елчĕк районĕсенче çур акине еплерех йĕркеленипе паллашнă.
Чăвашла верси
Русская версия
