Кăрлачăн 15-мĕшĕнче Владимир Путин Президент Мускаври «Манеж» тĕп выставка центрĕнче Федераци Пухăвне яракан çулленхи Çырупа паллаштарчĕ. Шучĕпе вăл Владимир Владимировичшăн 16-мĕш пулчĕ.
Роза Кондратьева, РФ Пенси фончĕн Чăваш Енри уйрăмĕн управляющийĕ:
- Раççей Президенчĕ хăйĕн Çырăвĕнче экономикăпа социаллă тытăм аталанăвне пысăка хунă. Тĕп ыйтусенчен пĕри - сывă çемьепе сывă наци, экономикăри тата социаллă тытăмри тĕллевсем. Кашни çыннăн чи малтан хăйĕн ĕçне лайăх, яваплăха туйса тумалла, пуçаруçă пулмалла.
Владимир Путин Президентăн Çырăвне хаклаççĕ
Михаил ИГНАТЬЕВ, Чăваш Республикин Пуçлăхĕ:
- РФ Президенчĕ Владимир Путин хăйĕн кăçалхи Çырăвне пĕтĕм тĕнчери политикăран, тĕрлĕ çĕршыв Раççей тĕлĕшпе йышăннă санкцисенчен пуçларĕ. Çав вăхăтрах вырăс халăхĕн кăмăл-сипет хăвачĕ, патриотизмĕ мĕнешкел пысăккине палăртрĕ. Вырăс халăхĕ хăйне хĕсĕрлеме пуçласан яланах çĕнтернĕ.
Инна ИСАЕВА, Шупашкарти 5-мĕш гимнази директорĕ, ЧР директорсен Канашĕн председателĕ:
- Çĕршыв ертÿçи хăйĕн Çырăвĕнче ачасене хушма пĕлÿ парассин ыйтăвĕсене çĕклени питĕ пĕлтерĕшлĕ. Ыйту ачасене кунăн иккĕмĕш çурринче мĕн тутарассипе çеç çыхăнман. Хушма вĕренÿ ачан интересне тупса палăртма тата аталантарма пулăшать тесе шухăшлатăп. Вĕрентĕве интереслĕ уроксемпе çеç мар, ĕç-хĕлĕн тĕрлĕ тĕсĕпе те пуянлатмалла.
Николай Угаслов, «ТУС» строительство фирмин генеральнăй директорĕ:
Чăвашла верси
Русская версия
