Archive - 21 Çурла, 2014

21 Çурла, 2014

Ĕçтешсен киоскĕнче «Хыпар» та пулĕ

Шупашкарти «Модăсен çурчĕ» умĕнче «Советская Чувашия» хаçатăн мини-маркетне савăнăçлă лару-тăрура уçнă. Ку вырăна ахальтен суйламан: хула варри, халăх йышлă çÿрет, троллейбуспа автобус чарăнать.

21 Çурла, 2014

Цюрихран - виçĕ медальпе

Швейцарири Цюрих хулинче çăмăл атлетика енĕпе Европа чемпионачĕ вĕçленнĕ. Аса илтеретпĕр: унта Раççейĕн пĕрлештернĕ команди йышĕнче Чăваш Енĕн 6 спортсменĕ тупăшнă. Елена Наговицина, Анжелика Сидорова, Вера Соколова, Александр Яргунькин, Наталья Пучкова тата Альбина Майорова.

21 Çурла, 2014

Пĕрремĕш çур çул кăтартăвĕсем

Çурла уйăхĕн пуçламăшĕнче республика Правительстви Чăваш Республикин Министрсен Кабинечĕн бюджета пурнăçлани çинчен йышăннине çирĕплетсе влаçăн ĕç тăвакан органĕсен

2014 çулăн пĕрремĕш çурринчи ĕçне пĕтĕмлетрĕ

Тупăшпа тăкак - шайлашуллă

21 Çурла, 2014

ÇУРЛА УЙĂХĔНЧЕ ПУХМАЛЛА

Çурла уйăхĕнче сиплевре усă курмалли чылай ÿсен-тăрана пухса типĕтме пулать. Эмел курăкĕсене шоссе çулĕнчен аякра, типĕ, хĕвеллĕ çанталăкра, нимĕнпе те сенленменнисене пухмалла. Нÿрĕ çанталăкра татнисем хăмăрланаççĕ, кăмăскапа витĕнеççĕ, сиплĕхне çухатаççĕ.

Курăк-çулçа хĕвел лекмен çиллĕ вырăнта е лайăх уçăлтарма май пур хуралтăра çÿхен сарса типĕтмелле. Унтан упрама картон курупкана е кĕленче савăта хумалла, çиеле курăк ятне тата ăна хăçан пухнине çырнă хут çыпăçтармалла. Типĕ тĕттĕм пÿлĕмре 2 çул упрама юрать.

21 Çурла, 2014

ӲТ ТĂРТАННИНЕ ИРТТЕРМЕ

Çулла ӳт тăртанасси час-часах пулать, тепĕр чухне эмел ĕçме те тивет. Анчах "хими" яланах усăллă мар. Диетологсем палăртнă тăрăх - çулла вĕсемсĕрех лару-тăрăва çăмăллатма юрать. Сăмах тĕрлĕ çимĕç пирки пырать.

Арпус

Çимĕçсен хушшинче вăл шăк чи вăйлă хăвалакан витĕмпе палăрса тăрать. Пӳре сывă мар çынсене уйрăмах усăллă.

Пуянлăхĕ - магнире. Çак элемент пӳрере чул пухăнасран хӳтĕлет, организмран ытлашши тăвара кăларать.

Пӳрене профилактика тĕллевĕпе лайăх арпуспа тасатни пурне те усăллă. Виçе - кунне 1-2 килограмм.

21 Çурла, 2014

Вăййа тухма вăй тупаттăмăр

Çĕрпÿ районĕнчи Шалчакасси ялĕнче çуралса ÿснĕ эпир, Мария Григорьевнăпа Аркадий Сидорович Сидоровсем. Пĕр шкултах, пĕр класрах вĕреннĕскерсене çитĕнсен пурнăç сукмакĕпе те пĕрлех утма пÿрчĕ шăпа. Акă тăнлав тĕлĕнчи çÿç те тахçанах шуралчĕ - ачалăхăмăр тата шухă çамрăклăхăмăр халĕ те асран тухмасть.

21 Çурла, 2014

ШĂНА КĂМПИНЕ ТИРКЕС МАР

Вăрмана кайсан шăна кăмпине наркăмăшлă тесе тапса сирпĕтетпĕр. Тĕрĕс мар тунине ăнланатăп-ха. Шăна кăмпи сиплевре пулăшнине час-часах илтетĕп. Анчах унпа хăçан тата мĕнле усă курмаллине пĕлместĕп. "Сывлăхра" темиçе рецепт пичетлесен аванччĕ.

21 Çурла, 2014

Çамрăксене пил пачĕç

Изумруд туя пĕрле пурăнма пуçланăранпа 55 çул çитсен паллă тăваççĕ. Ăна кĕтсе илме хĕрÿ юрату, чăтăмлăх, ăнланулăх, тимлĕх кирлĕ. Çак сăмахсене Çĕнĕ Чалкасси ялĕнче пурăнакан Михаил Матвеевичпа Нина Константиновна Матвеевсем пиркиех каланăн туйăнать. Вĕсен кун-çулне тишкерсен чăннипех те çапла иккенне тĕшмĕртетĕн.

Pages