Республикăри вăрмана пушар тата тип шар /2010 ç./, хаяр тăвăл сиенлерĕ. Çĕр-çĕр гектар йышăнакан йывăçа вăйсăрлатса хăварчĕ. Çак тата ытти сăлтава пула вĕсене çулçă çиекен е йывăç кăшлакан хурт парăнтарассишĕн тăрăшать.
Виçĕм кун Шупашкарти «Олимпийский» стадионта çамрăк футболистсен Пĕтĕм Раççейри «Сăран мечĕк» турнирĕн Атăлçи округĕнчи тапхăрĕ старт илнĕ.
7 кунра Мари, Мордва, Тутар, Удмурт республикисенчен, Киров, Чул хула, Пенза, Самар, Сарă ту, Ульяновск облаçĕсенчен килнĕ 11 команда финала тухассишĕн ăмăртĕç. Пысăк ăмăртура Чăваш Ен чысне Вăрнарти «Химик-Август» команда /тренерĕ - Александр Строганов/ хÿтĕлет.
Чăваш Енри пулă пуянлăхне В.Шабалкин пек пĕлекенни текех çук. Вăл Пăрачкав районĕнчи Напольное ялĕнче çуралнă, Сăр юхан шывне пулă тытма нумай çÿренĕ, таврари чĕр чунсемпе кăсăкланнă. ЧППИ биофакĕнчен вĕренсе тухнă.
Тихвин ярмăрккин уявĕнчи Акатуйра Çĕрпÿ районĕн çĕр ĕçченĕсем тулли кăмăлпа савăнчĕç. Район администрацийĕн пуçлăхĕ Сергей Артамонов асăннă тăрăх – пĕрчĕллĕ тата пăрçа йышши культурăсене 20002 гектар акнă. Çакă пĕлтĕрхи шайăн 111 проценчĕпе танлашнă. Ял хуçалăх культурисене пĕтĕмпе 28021 гектар çинче акнă тата лартнă.
"Пĕр е икĕ ачаллă çемьесем Березовка ялĕнче сайра пулнă. Тĕслĕхрен, Исаевсем саккăрăн ÿснĕ. Вĕсемпе юнашаррисем – çиччĕн, теприсем – пиллĕкĕн. Унтан каллех саккăр, пиллĕк, çиччĕ, пиллĕк..." – пÿрнисене хуçса шутлама тытăнчĕ Канаш районĕнчи çак ялта пурăнакан Валерий Григорьевич Федоров. Иртнине аса илчĕ вăл.
Елчĕк районĕнчи Тÿскел ялĕнче пурăнакан Анна Паймина çак кунсенче 100 çул тултарнă. Ăна сумлă юбилейпе саламлама ял-йыш, тус-тăванĕ чылай пуçтарăннă. Анна Архиповнăна РФ Президенчĕ Владимир Путин янă саламлă çырупа паллаштарнă.
Çĕр çинче пурăнакан миллиона яхăн хурт-кăпшанкăран çыншăн чи усăлли – пыл хурчĕ. Вăл этеме тĕлĕнмелле чаплă, тĕрлĕ чир-чĕртен сыватакан, тутлă пыл парать.
Çĕр çинчи пур халăх та пылăн сиплĕ паллисене ĕлĕкренех пĕлет. Унпа медицинăра анлă усă кураççĕ. Пĕр кашăк пыл – пĕр тумлам сывлăх. Вăл ватти-вĕттишĕн тутлă эмел шутланать, вăй кĕртет, организма чир-чĕртен хÿтĕленме пулăшать. Яппун халăхĕ калашне пыл вăл – çут çанталăк çимĕçĕсен патши.
Раççей тĕш тыррине нумай туянакан патшалăхсенчен чи малтанах Турципе Египета асăнаççĕ. Импорт шайне вĕсем юлашки икĕ çулта чылай ÿстернĕ. Çакăн çинчен Пĕтĕм тĕнчери "Тырă рынокĕ – ĕнер, паян, ыран" конференцире Раççей Федерацийĕн "Про Зерно" компанийĕн тĕп директорĕ Владимир Петриченко пĕлтернĕ.