Archive - 30 Утă, 2014 - Хыпар

30 Утă, 2014

Икĕ ватăн пĕр шухăш

Иккĕшĕ те ĕмĕрĕсене ĕçпе ирттернĕ. Унсăр пурăнма та пултараймаççĕ вĕсем. Авалхи ĕç хатĕр-хĕтĕрне, халăх йăли-йĕркине, кун-çулне упраса хăварассишĕн тăрăшаççĕ, иртнĕ вăхăтпа çамрăксене паллаштараççĕ. Иккĕшĕ те йывăçран касса пуканесем ăсталаççĕ.

Музейран çын татăлмасть

30 Утă, 2014

Юсав кал-кал пырать

ЧР Транспорт тата çул-йĕр хуçалăхĕн министерстви район-хулари автомобиль çулĕсене пăхас, юсас, реконструкцилес ĕçе еплерех йĕркеленине çирĕп тĕрĕслесе тăрать.

Владимир Филиппов министр куллен тенĕ пекех объектсене çитсе ĕç пахалăхне тишкерет, юсав организацийĕсенчен кăлтăк-шăйрăка пĕтерме ыйтать. Муниципалитетсенче лару-тăру мĕнлерех-ха?

30 Утă, 2014

Владимир Путин Президент Михаил Игнатьевпа тĕл пулнă

Утă уйăхĕн 24-мĕшĕнче Мускавра Раççей Президенчĕ Владимир Путин Чăваш Республикин Пуçлăхĕпе Михаил Игнатьевпа тĕл пулнине "Хыпар" хаçатра çырса пĕлтернĕччĕ. Çакăн хыççăн редакцие вун-вун çын шăнкăравларĕ, çак пулăма пысăка хурса хакларĕ. Хамăр та чылай ентешĕн шухăшĕпе кăсăклантăмăр.

30 Утă, 2014

Фатьянов фестивалĕнче

ЧР культурăн тава тивĕçлĕ ĕçченĕ, Хĕрлĕ Чутай районĕн культура пайĕн пуçлăхĕ Александр Самсонов юрăпа поэзин Пĕтĕм Раççейри Фатьянов ячĕллĕ фестивальне /1974 çултанпа çулленех Вязники хулинче иртет/ хутшăннă.

30 Утă, 2014

Кун пекки ăçта пур-ши?

Çапларахчĕ пирĕн ял лавкки умĕнче иртнĕ ĕмĕрĕн 60-мĕш çулĕсенче.

Халăх «Энĕш хумĕсем» литхаçатăн черетлĕ кăларăмĕпе паллашма чарăннă. Хаçата 14 çулти Владимир Пырков илемлетнĕ, унран та кĕçĕнрех Валерий Скворцов сăн ÿкерчĕксемпе пуянлатнă. Юнашар «Çар листокĕсем» вырăн тупнă.

30 Утă, 2014

Укçа та çук, кинотеатр та

Улатăр районĕн сучĕ 39 çулти Наталья Рандина тĕлĕшпе пуçарнă уголовлă ĕçпе приговор палăртнă. Ăна бюджет укçипе тĕллевсĕр усă курнăшăн айăпланă.

Укçана предпринимателе Улатăр хула администрацийĕ грант шучĕпе панă - авалхи хулара çĕнĕ йышши 3D-кинотеатр уçма. Малтан пĕтĕмпех йĕркеллĕ пулнă темелле. Хĕрарăм республикăри предприниматель ĕç-хĕлне аталантарма уйăракан укçа шучĕпе грант илмешкĕн Улатăр администрацине кинотеатр тумалли бизнес-план тăратнă. Ăна тивĕçлипе хакланă, каялла тавăрса памалла мар 300 пин тенкĕлĕх грант панă.

30 Утă, 2014

Таркăн суд умне тăрать

Следстви комитечĕн Çĕнĕ Шупашкарти пайĕ ФСИНăн республикăри управленийĕн 3-мĕш колонийĕн ристанĕ Роман Сидоров тĕлĕшпе пуçарнă уголовлă ĕçе тĕпчесе пĕтернĕ. Ăна колонирен тарнăшăн тата влаç представителĕ тĕлĕшпе вăйпа усă курнăшăн айăплаççĕ.

Çак пăтăрмах кăçалхи çу уйăхĕнче пысăк шăв-шав çĕкленĕччĕ. 2010 çулта çын вĕлернĕшĕн тата ют пурлăха вăрланшăн судпа айăпланса 16 çуллăха çирĕп режимлă колоние хупнăскер, 29 çулти Р.Сидоров юсанмалли учрежденирен тарнă. Мĕнле майпа - халĕ хуравĕ уçăмлă ĕнтĕ.