Archive - 6 Авăн, 2014 - Хыпар

Çулçă сарнă сукмакпа утнă сарă кĕркунне. Пепкине Анна аппа çупăрланă хăй çумне... Çак сăмахсемпе пуçланать Геннадий Кузнецовăн «Чи телейлĕ кун» сăвви. Ăна мухтавлă ентешĕмĕре Андриян Николаева халалланă. Авăн уйăхĕн 5-мĕшĕ - виççĕмĕш космонавт çуралнăранпа 85 çул çитрĕ. Çак уява Чăваш Енре еплерех паллă тунă.

Шуршăлти А.Г.Николаев космонавт летчикăн мемориал комплексĕнче мухтавлă Андриянăмăрăн çуралнă кунне йышпа палăртнă кун яланах хĕвеллĕ, çутă, таса килнине пурте асăрханă-тăр. Урăхла пулма та пултараймасть пек, ентешĕмĕр питĕ уçă, ăш пиллĕ чунлăччĕ-кăмăллăччĕ. Иртнĕ вăхăтпа калаçатпăр пулин те вăл халĕ те чĕрĕ, пирĕн хушăрах пек.

Чăваш Ен Пуçлăхĕ Михаил Игнатьев авăн уйăхĕн 4-мĕшĕнче Мускавра федерацин çурт-йĕр строительствине аталанма пулăшакан фонд гендиректорĕпе Александр Браверманпа тĕл пулнă. Федерацин "Раççей Федерацийĕн Çĕр кодексне улшăнусем кĕртесси тата Раççей Федерацийĕн уйрăм саккунĕсем çинчен" саккунĕпе килĕшÿллĕн Чăваш Республикинче пурăнмалли çурт-йĕр тумалли проектсене пурнăçланине, çавăн пекех чикĕлесе уйăрман çĕр лаптăкĕсемпе епле усă курнине сÿтсе явнă.

Кăçал республикăра пĕрчĕллĕ тата пăрçа йышши культурăсене 252562 гектар çинчен пухса илмелле. Авăн уйăхĕн 4-мĕшĕ тĕлне тырă тĕшĕлессипе плана 81,6% тултарнă, пĕлтĕр - 98,2%. 2013 çулхи çак вăхăтринчен 16,6% юлатпăр. Вырма вăраха тăсăлчĕ. Юлашки 9 кунра кăтарту 7,3% çеç ÿсĕмленнĕ.

Ял халăхĕ 10-15 çул каялла çут çанталăк газĕ пирки ырă хыпар илтсенех, эх, хĕпĕртетчĕ, çавăнтах ĕненмесĕр: "Чăнах-ши ку, телей курмалли пирĕн пата та çитрех-ши вара?" - тетчĕ.

Чăваш Республикинчи Ĕçлев патшалăх служби граждансене республика тулашĕнче ĕçе вырнаçтарма Мускав, Волгоград, Воронеж, Чул хула облаçĕсемпе, ытти регионпа килĕшсе татăлнă. 2014 çулта Чăваш Енри 1115 çынна çапла майпа ĕçе вырнаçтарма палăртнă.

Паянхи вăхăт пирĕнтен çирĕп ыйтать. Унăн кун йĕркине пĕр пăркаланмасăр пурнăçласа пымалла. Ăнсăртран пĕр ыйтăва кăна татса памасăр хăвар - вăл тепĕр ыйту сиксе тухсанах хăй пирки аса илтерет. Ку енчен илсен пире, ял тăрăхĕсен пуçлăхĕсене, район администрацийĕ кашни эрнерех ирттерекен планеркăсем те, республикăри муниципалитетсен йĕркеленĕвĕсен Канашĕ ыттисен опычĕпе паллаштарас тĕллевпе тĕрлĕ региона илсе кайни те нумай пулăшаççĕ. Чăнах та ĕнтĕ, хальхи саманари çĕннине, усăллине алла илмесĕр, малтисенчен вĕренсе пымасăр ÿсĕм-çитĕнÿ тăвасси пирки шухăшлама та кирлĕ мар.

Çĕр лаптăкĕ пур-и сирĕн? Чăн хуçах-и эсир унта? Документсем тăрăх çаплах пулĕ-ха. Ыйтăвăм вара çĕрпе мĕнле усă курнине пырса тивет.

Çĕртен сивĕнсех пыратпăр-ши?

Указ Главы Чувашской Республики от 29 августа 2014 года № 124 «О внесении изменений в Указ Президента Чувашской Республики от 28 июля 2003 г. № 77».